Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. júlí. 2008 08:30

Fóru á þyrlu til að kaupa eina með öllu

Þyrlan lent við Bauluna.
Viðskiptavinum í Baulunni í Borgarfirði brá heldur betur í brún seinnipart dags í liðinni viku þegar stærðarinnar þyrla hóf að lækka flugið ofan við vegasjoppuna og lenti loks á miðju bílastæðinu. Út gengu menn sem samkvæmt heimildum Skessuhorns höfðu verið við veiðar í Kjarrará þegar hungrið fór að sverfa að. Þeir höfðu flogið á þyrlu í veiðina og því lá beinast við að bregða sér um borð í hana og fljúga sem leið lá í Bauluna til þess að fjárfesta í einni pylsu með öllu. Slíkan munað geta augljóslega ekki allir veitt sér en sagan segir þó að mennirnir hafi verið svo ólánsamir að gleyma krítarkortunum í jakkafötunum sem lágu vel geymd í veiðihúsinu.

Það kom þó ekki að sök þar sem Kristberg Jónsson, eigandi Baulunnar, kannaðist við hlutaðeigandi. Þegar Skessuhorn sló á þráðinn til hans vildi hann ekkert gefa upp um það hverjir hefðu verið þarna á ferðinni en sagði þó að um væri að ræða “alvöru karla”. Kristberg sagði einnig að þetta væri ekki í fyrsta skipti sem undarleg farartæki koma við í Baulunni. “Það versla allir í Baulunni!” sagði hann léttur í bragði. “Hingað hefur líka komið svokallað fis og lent á planinu. Auk þess á ég mynd af strætisvagni að taka olíu hérna hjá okkur. Það hafa því ýmis farartæki komið hér við önnur en bílar.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is