Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. júlí. 2008 10:30

Heim í Búðardal á laugardag

Víkingahátíðin að Eiríksstöðum hefur verið flutt í Búðardal þar sem boðið verður upp á enn fjölbreyttari dagskrá.
Dalamenn halda bæjarhátíðina “Heim í Búðardal” á laugardag. Hingað til hefur verið árleg víkingahátíð að Eiríksstöðum en hún verður nú flutt til Búðardals og dagskrá útvíkkuð. Dalamaðurinn, víkingurinn og landkönnuðurinn Leifur Eiríksson skreppur því heim í Búðardal og vígir þar búð sína; Leifsbúð en þar verður formlega opnuð sýning á landafundum hans í Ameríku.

Dalamenn ætla með þessari hátíð sinni að taka á móti brottfluttum Dalamönnum, vinum, vandamönnum og öðrum velunnurum Dalabyggðar, skemmta sér með þeim og sýna þeim hvað boðið er upp á í Dölum.

 

 

Á hátíðinni verður afhjúpað fyrsta söguskiltið af mörgum sem gerð hafa verið og verður hið fyrsta við Leifsbúð í Búðardal. Þar verður einnig listaverkið “Fýkur yfir hæðir”, eftir Dalamanninn Ásmund Sveinsson.

 

Á dagskránni er margt í boði fyrir börn og unglinga. Nefna má leiki með skátunum, keppnir, þrautir og leiktæki eins og hoppkastala, risabox, geimsneril og fjarstýrða bíla.

 

Ungmennafélag Dalamanna efnir til öldungamóts í frjálsum íþróttum í tilefni af 90 ára afmæli félagsins. Þar gefst gömlum kempum kostur á að rifja upp taktana en mótið er opið fyrir alla karla, sem fæddir 1973 eða fyrr og konur fæddar 1978 og fyrr. Sýnishorn af sögu UDN verður til sýnis á hátíðinni en að undanförnu hefur verið safnað saman ýmsum hlutum úr sögu félagsins. Upplýsingar um mótið eru á heimasíðu félagsins www.udn.is

 

Eftir hádegi á laugardag verður markaðsdagur, þar sem í boði er handverk, heilsuvörur, kompudót og fleira. Mjólkursamsalan í Búðardal verður með vörukynningu, kvenfélögin í Dölum með “Laxdælukaffi” og opið hús verður á Vesturbrautinni hjá Jóhanni Guðlaugssyni, Kol, Rafseli og fleirum. Leikklúbbur Laxdæla ætlar að þjófstarta hátíðinni og frumsýnir fjölskylduleikritið Kubb og Stubb í Dalabúð kl. 20.00 á föstudagskvöld.

 

Þótt hátíðin standi einungis formlega í einn dag, þá verða næg tjaldstæði í boði fyrir þá sem vilja gista hvort sem er eina eða tvær nætur. Aðgangur að hátíðinni er ókeypis, en greitt er fyrir tjaldstæði. Fíkniefnaleit verður á staðnum.

 

Í tilefni hátíðarinnar barst íbúum Dalabyggðar gjöf frá fyrirtækjunum Jóhanni Guðlaugssyni ehf. og Kol ehf. Það eru tvö gríðarlega stór blómaker, svokölluð menningarborgarblómaker og verða þau við aðalgötu bæjarins. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is