Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. júlí. 2008 12:30

Magnús Þór leitar úrskurðar ráðuneytis

Magnús Þór Hafsteinsson varaformaður Frjálslynda flokksins og varabæjarfulltrúi frjálslyndra og óháðra í bæjarstjórn Akraness hefur óskað eftir úrskurði samgönguráðuneytisins, ráðuneytis sveitarstjórnarmála, vegna breytinga sem gerðar voru á samþykktum um stjórn og fundarsköp Akraneskaupstaðar eftir myndun nýs meirihluta bæjarstjórnar í vor. Staða Magnúsar gagnvart bæjarkerfinu á Akranesi er sérstök vegna þess að aðalmaður í bæjarstjórn sem Magnús er varamaður fyrir, Karen Jónsdóttir gekk sem kunnugt er í Sjálfstæðisflokkinn í vor og sleit þar með meirihlutasamstarfi Frjálslyndra og óháðra og Sjálfstæðisflokksins.

Það er einkum breyting á  44. greininni samþykktanna sem Magnús vill að ráðuneytið úrskurði um, enda ber hún þess merki að hans mati að hafa verið gerð til að skerða möguleika hans til setu í stjórnum og ráðum bæjarins. Þar segir meðal annars: „Einungis aðalmenn í bæjarstjórn eru kjörgengir í bæjarráð sem aðalmenn. Varamenn er heimilt að kjósa úr hópi aðal- og varamanna í bæjarstjórn.“ Það er þessi síðari setning sem auðveldar flokksmönnum Magnúsar Þórs og bæjarstjórnarmönnum kjósi þeir svo að útiloka Magnús Þór frá bæjarráði. Í fyrri samþykkt sem gerð var í bæjarstjórn í lok síðasta árs hljóðaði greinin svo: „Varamenn í bæjarráði eru aðal- og varamenn í sveitarstjórn, sem kosningu hafa hlotið af sama framboðslista og hinn kjörni bæjarráðsmaður og skulu þeir taka sæti í ráðinu eftir þeirri röð sem þeir skipuðu á framboðslista viðkomandi bæjarráðsmanns.“

 

Samgönguráðuneytið hefur óskað formlega eftir umsögn bæjarráðs Akraness vegna erindis Magnúsar Þórs. Hefur bæjarráð falið bæjarstjóra að svara bréfinu í samráði við lögmenn bæjarins fyrir 22. júlí nk. Einkum var óskað eftir skýringum á því hvað þær breytingar sem gerðar voru á 44 grein samþykktanna hafa í för með sér fyrir Magnús Þór sem 1. varamann kjörins aðalfulltrúa í bæjarráði sem og almennt um hvernig val á varamönnum á bæjarráði fari fram eftir breytingarnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is