Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júlí. 2008 07:30

Búðardalur að taka breytingum

Margrét Jóhannsdóttir.
„Mér skilst að búðir sem versla með skreytingaefni séu að tæmast í Reykjavík. Fólk leitar þangað þegar hlutirnir fást ekki hér eða í nágrenninu. Nú eru það Búðdælingar og Dalamenn sem eru að koma sér upp skreytingum, enda fyrsta bæjarhátíðin hjá okkur. Jú, það er ekki laust við að staðurinn sé að taka nokkrum breytingum þessa dagana,“ segir Margrét Jóhannsdóttir óformlegur framkvæmdastjóri hátíðarinnar „Heim í Búðardal“, en Margrét tók það að sér sem formaður Hollvinasamtaka Dalabyggðar og gjaldkeri ungmennasambandsins sem kemur talsvert að hátíðinni.

Aðspurð hvort Búðdælingar og Dalamenn búist við mörgum gestum á hátíðina segir Margrét að vissulega sé vitað af mörgum sem ætli að koma, þar á meðal 80-100 manna hóp sem tengist nokkrum brottfluttum Dalamönnum. „Hinsvegar rennum við blint í sjóinn og höfum ekki verið að auglýsa hátíðina mikið. Svo hittist líka þannig á að á laugardaginn eru tvö stór brúðkaup sitthvorum megin við Búðardal,“ segir Margrét, sem vonast til að heimamenn og gestir verði duglegir að taka þátt og mæta á dagskrárliði hátíðarinnar.

 

„Búðardalur er orðinn með snyrtilegra móti og fólk tekið hvatningu vel um að snyrta í kringum sig. Til að mynda tóku eigendur gamla kaupfélagshússins, annars tveggja áberandi stórra húsa við Vesturbrautina sig til og máluðu húsið og myndskreyttu einn vegginn. Það eitt setur strax mikinn svip á, þó svo að í hjarta bæjarins gæti ásýndin verið enn betri ef ekki stæðu yfir framkvæmdirnar við leikskólann og félagsheimilið Dalabúð, en við því er ekkert að fást. Kannski er ég með einhverja „straxveiki“,“ segir Margrét.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is