Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júlí. 2008 10:12

Hvalfjarðargöngin 10 ára í dag

Göngin voru vígð þann 11. júlí árið 1998.
Í dag verður þess minnst að tíu ár eru liðin frá vígslu Hvalfjarðarganganna sem voru opnuð þann 11. júlí árið 1998. Um leið mun stjórn Spalar afhenda samgönguráðherra öll grunngögn varðandi undirbúning að útboði nýrra ganga um Hvalfjörð. „Það er óhjákvæmilegt að ráðast í gerð nýrra ganga innan fárra ára, ekki verður undan því vikist vegna öryggisjónarmiða, þar sem slysahætta eykst mun hraðar en umferðin um göngin. Að auki munu áhrif nýrra ganga og nýs vegar um Kjalarnes hafa í för með sér almenn jákvæð áhrif í anda núverandi ganga. Eflaust þurfa heimamenn samt að halda vöku sinni og þrýsta á málið til þess að þetta verði að veruleika innan fárra ára,” segir Gísli Gíslason stjórnarformaður Spalar.

 

Gísli segir að ef vilji stjórnvalda verði fyrir hendi geti framkvæmdir við gerð nýrra Hvalfjarðarganga hafist á árinu 2010. Kostnaður við gangagerðina muni væntanlega verða 6-8 milljarðar króna. Gísli segir ekki liggja annað fyrir en að ríkið muni kosta göngin. Hann segir að í dag bendi ekkert til annars en gjaldtöku um Hvalfjarðargöng muni ljúka, annaðhvort á árinu 2014 eða 2015 eða 3-4 árum fyrr en upphaflega var gert ráð fyrir.

 

Hvalfjarðargöngin teljast líklega ein mesta samgöngubót sem gerð hefur verið hér á landi. Á þessum áratug hafa 14 milljónir ökutækja farið um göngin. Þau voru upphaflega hönnuð fyrir um fimm þúsund bíla á sólarhring en í dag fara að jafnaði liðlega 5.500 bílar um göngin á hverjum degi. “Við gerðum í upphafi ráð fyrir að með tímanum myndi dagleg umferð um göngin fara úr 1200 bílum í 2000, en það gerðist strax á fyrsta ári. Okkur óraði ekki fyrir þeirri gríðarlegu umferð sem hefur verið um göngin og vaxið jafnt og þétt,” segir Gísli.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is