Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. júlí. 2008 04:14

Tvöfalda þarf Hvalfjarðargöng á næstu 5 til 10 árum

Eins og fram kom hér á skessuhorn.is fyrr í dag eru tíu ár liðin frá því Hvalfjarðargöngin voru tekin í notkun. Við þau tímamót afhentu forráðamenn Spalar samgönguráðherra skýrslu um rannsóknir og tæknilega undirbúningsvinnu vegna nýrra ganga sem stjórnin telur að hefja þurfi framkvæmdir við innan fjögurra ára.

Kristján L. Möller samgönguráðherra þakkaði forráðamönnum Spalar fyrir forgöngu þeirra og þrautseigju við að vinna verkinu brautargengi svo og fyrir skýrsluna. Hann sagði eðlilegt að huga að nýjum göngum til að mæta aukinni umferð í framtíðinni, um það væri ekki spurning. Verkið yrði umfangsmikið og undirbúningur tæki langan tíma. Hann sagði göngin ekki komin í samgönguáætlun ennþá en sagðist telja ljóst að ráðast yrði í tvöföldun á næstu 5 til 10 árum.

 

 

Samgönguráðherra sagði í ávarpi sínu í afmælisathöfn á Akranesi í dag að Hvalfjarðargöng hefðu fyrir löngu sannað ágæti sitt. Þau styttu þúsundum manna leið á degi hverjum, hefðu leitt til nýrrar þróunar í búsetu og atvinnusókn þau væru dæmi um hvernig samgöngumannvirki gætu skipt sköpum um slíka byggðaþróun.

 

Samkvæmt skýrslu Spalar er áætlaður kostnaður við ný Hvalfjarðargöng um 7,5 milljarðar króna að virðisaukaskatti meðtöldum á verðlagi um mánaðamótin maí/júní 2008. Þá er reiknað með öllum verkkostnaði og tilheyrandi búnaði ganganna ásamt vegskálum og vegtengingum beggja vegna auk kostnaðar við hönnun, umsjón og eftirlit. Fjármagnskostnaður er ekki meðtalinn og heldur ekki kostnaður vegna landakaupa.

 

Ætla má að um þrjú og hálft ár líði frá því vinna hefst við hönnun nýrra ganga til útboðs þar til göngin verða tekin í gagnið. Áður en næsta skref verður stigið nú þarf annars vegar að ljúka landakaupum og hins vegar skipulagsferli beggja vegna Hvalfjarðar. Landakaupin eru á forræði Vegagerðarinnar. Þá er unnið að nýju aðalskipulagi Hvalfjarðarsveitar og breytingum á aðalskipulagi á Kjalarnesi.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is