Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. júlí. 2008 03:12

Víkingur Ól skoraði sigurmarkið í síðustu spyrnu leiksins

Víkingur Ól fékk KA menn í heimsókn síðastliðinn laugardag. KA menn léku undan sterkum vindi í fyrri hálfleik og voru mun meira með boltann, án þess þó að skapa sér mörg opin færi. Víkingar lágu aftarlega og beittu skyndisóknum og upp úr vel heppnaðri aukaspyrnu fékk Dalibor Nedic besta færi hálfleiks þegar hann skaut yfir úr dauðafæri í markteignum. En semsagt markalaus fyrri hálfleikur þar sem Kári réð lögum og lofum.

KA menn komu mun ákveðnari til síðari hálfleiks og uppskáru mark á 57. mínútu þegar boltinn barst til Almarrs sem fékk mikinn tíma til að athafna sig og skaut föstu skoti á markið. Víkingar mótmæltu og töldu að um rangstöðu vera að ræða, en dómurunum varð ekki haggað.

Á 71. mínútu fengu Víkingar aukaspyrnu um 40 metra frá markinu, út við hliðarlínu. Brynjar Víðisson skaut föstum bolta upp í vindinn, Sandor Matus misreiknaði boltann sem hálfpartinn fauk inn, staðan 1-1 og 20 mínútur eftir.

 

Það sem eftir lifði voru það Víkingar sem pressuðu en KA menn voru skeinuhættir í skyndisóknunum. Josip Marusovic skaut framhjá úr dauðafæri á 86. mínútu fyrir heimamenn og þegar tvær mínútur voru komnar í uppbótartíma fékk Gísli Freyr Brynjarsson, sem þá var nýkominn inn á sem varamaður, boltann óvænt í markteig KA manna, sem náðu á síðustu stundu að bjarga í horn.

 

Það var svo uppúr horninu sem sigurmark Víkinga kom. Boltinn datt fyrir fætur Gísla Freys Brynjarssonar sem hálfkiksaði á boltann, sem svo lak undir Sandor í markinu. KA menn mótmæltu og töldu brot hafa átt sér stað, en dómari leiksins, Vilhjálmur Alvar Þórarinsson, var ekki á því og markið stóð.

KA menn náðu svo bara rétt að taka miðju áður en flautað var af og gríðarmikilvægur sigur Víkinga staðreynd. Vissulega gátu KA menn farið svekktir af Snæfellsnesi stigalausir en ekkert skyggði á fölskvalausa gleði heimamanna sem komust í 7. sæti með sigrinum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is