Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. júlí. 2008 01:20

Miklar vonir bundnar við ráðningu Arnars og Bjarka

Gísli Gíslason formaður stjórnar rekstrarfélags KFÍA.
Gísli Gíslason formaður stjórnar rekstrarfélags Knattspyrnufélags ÍA segir að stjórnarmenn félagsins bindi miklar vonir við ráðningu þeirra Arnars og Bjarka Gunnlaugssona í þjálfarastöðuna, en um hádegisbil hófst fundur þar sem væntanlega verður gengið frá ráðningarsamningi við þá bræður. „Við erum vissir um að þessi ákvörðun er rétt og það er staða liðsins í deildinni sem við erum að hugsa um fyrst og fremst,“ segir Gísli. Aðspurður segist Gísli ekki reikna með öðru en að þeir bræður Bjarni og Þórður Guðjónssynir haldi áfram að leika með Skagaliðinu þrátt fyrir að Guðjón faðir þeirra sé hættur störfum fyrir félagið. Sögusagnir eru á kreiki um að Valur, FH og KR vilji fá Bjarna í sínar raðir nú við breytta stöðu á Skaganum.

Gísli segir ekki ljóst hve kostnaðarsöm þjálfaraskiptin verði fyrir ÍA, en að kostnaðurinn verði ekki mikill. Þegar blaðamaður Skessuhorns nefndi töluna 10 milljónir, sagði Gísli af og frá að þessi tala væri eitthvað nálægt því, um miklu lægri upphæð væri að ræða. Guðjón Þórðarson var með samning við ÍA fram á haust 2009. Inni í samningnum voru uppsagnarákvæði fyrir báða aðila. Gísli Gíslason segir að þau ákvæði komi nú inn, en vildi að öðru leyti ekki tjá sig um ákvæðin í samningnum.

„Guðjón er reynslumikill maður í boltanum og veit það manna best að þjálfarar koma og fara, staða þeirra ræðst oftast af stöðu liðanna á stigatöflunni. Ég veit ekki betur en hugur Guðjóns sé til félagsins þrátt fyrir að hann sé nú ekki lengur þjálfari Skagaliðsins og hann vilji liðinu allt hið besta. Eins og ég segi þá er ákvörðunin hjá okkur í stjórninni eingöngu tekin út frá hagsmunum félagsins,“ segir Gísli Gíslason formaður stjórnar rekstrarfélags KFÍA.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is