Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. júlí. 2008 10:40

Vegagerð um Arnkötludal gengur vel

Gerð vegar sem kenndur er við Arnkötludal, milli Dalabyggðar og Hólmavíkur, miðar vel að sögn Guðmundar Rafns Kristjánssonar deildarstjóra nýframkvæmda á norðvestursvæði hjá Vegagerðinni. Verktakinn Ingileifur Jónsson úr Árnessýslu byrjaði á veginum í maí í fyrra og gert er ráð fyrir að hann verði orðinn fær á neðra burðarlagi í lok þessa árs. Fullnaðarfrágangi með bundnu slitlagi á að vera lokið 1. september næsta sumar. Dalamenn hafa miklar væntingar til þessarar samgöngubótar og skjótari tengingu við Vestfirði, en vegurinn að vestan úr Djúpinu og suður styttist með þessari tengingu um 40 kílómetra.

Grímur Atlason nýráðinn sveitarstjóri í Dalabyggð segir að vegurinn um Arnkötludal gefi mikla möguleika fyrir sveitarfélagið, ekki einungis vegna aukinnar umferðar í gegn, heldur einnig varðandi aukna samvinnu við önnur sveitarfélög allt norður í Árneshrepp. Sveitarfélögin eru nú þegar með sameiginlega þjónustu svo sem varðandi byggingaeftirlit. Byggingarfulltrúi í Búðardal þjónar einnig Reykhólahreppi og Árneshreppi.

 

Guðmundur Rafn hjá Vegagerðinni segir vafa leika á skynsemi þess að hleypa á umferð næsta vetur, þar sem neðra burðarlagið verði mjög gróft og yfirborð spillist fljótt. Við slíkar aðstæður sé erfitt að aka 24 kílómetra, en það er lengd Arnkötludalsvegar frá þjóðveginum við Króksfjarðarnes niður í Steingrímsfjörð skammt frá Hólmavík. Búið er að keyra í vegstæðið að stærstum hluta að sunnanverðu í Gautsdal þar sem 10 km vegarins eru og í vor og framan af sumri hefur einnig verið unnið að ræsagerð. Nú er mesti þunginn í efniskeyrslu niður Arnkötludalinn í Steingrímsfjörð og ekið úr námum á vatnsskilum efst á Tröllatunguheiði. Að sögn Guðmundar Rafns er þar kominn fjögurra kílómetra vegarslóði sem unnið er á og lengist með degi hverjum. Ennþá á því eftir að keyra efni í um 10 kílómetra vegarins.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is