Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. júlí. 2008 02:13

Góð reynsla af parveiðinni á síldinni

Síldveiðiflotinn, þar á meðal skip HB Granda, er á veiðum fyrir austan land. Öll íslensku veiðiskipin eru nú á parveiðum sem reynd hafa verið undanfarin ár, en nú er ennþá meiri akkur í fyrir útgerðina, meðal annars með tilliti til olíusparnaðar. Skipin eru tvö saman með eitt troll, utan hvað Huginn VE er einn að veiðum með sérútbúið troll. Sams konar sérútbúið troll er um borð í Ingunni AK og verður það reynt fljótlega m.a. til að fá samanburð á því hverju parveiðarnar eru að skila með tilliti til olíukostnaðar.

,,Við erum ánægðir með árangurinn og reynslan af því að tvö skip séu saman með eitt troll er góð að mínu mati. Helsti kosturinn er e.t.v. sá að fiskurinn fælist síður þegar skipin eru sitt hvoru megin við torfuna með trollið á milli. Þegar togað er á hefðbundinn hátt þarf maður að byrja á að sigla yfir torfurnar, sem oft eru alveg uppi undir yfirborðinu, áður en trollið kemst að fisknum,“ segir Albert Sveinsson skipstjóri á Faxa RE, en greint er frá parveiðunum á heimasíðu HB Granda.

 

Faxi kom til Eskifjarðar á miðvikudaginn var með 1400 tonna afla sem landað var til bræðslu hjá fiskmjölsverksmiðjunni á staðnum. Aflinn fékkst á veiðum með Ingunni AK en áður en Faxi fór af miðunum voru tekin tvö höl með öðru Grandaskipi Lundey NS sem nú er að veiðum með Ingunni. Aflinn í þeim var um 350 tonn. Að sögn Alberts var farið vítt og breitt um veiðisvæðið fyrir austan landið í veiðiferðinni en síðustu hölin voru tekin á Rauða torginu.

 

,,Þetta er stórt svæði og flotinn hefur verið mjög dreifður. Sumir hafa verið að veiðum í færeysku lögsögunni og við fórum lengst út undir miðlínuna í veiðiferðinni. Það er erfitt að finna síldina. Torfurnar eru pínulitlar og fiskurinn er á mikilli ferð í ætisleit. Stefnan virðist þó aðallega vera í norður- eða norðausturátt og það kemur svo sem ekki á óvart,“ segir Albert. Að hans sögn er töluvert um makríl á veiðislóðinni en misjafnt er hve hlutfall hans í heildaraflanum er mikið. Albert segir að í góðvirði og spegilsléttum sjó á dögunum hafi verið gaman að fylgjast með makrílnum vaða í yfirborðinu en það sama geri síldin einnig.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is