Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. júlí. 2008 10:02

Bjarni farinn til KR

Logi Ólafsson og Bjarni Guðjónsson. Mynd www.kr.is.
Eftir leik ÍA og FH í gærkvöldi skrifaði Bjarni Guðjónsson fyrirliði ÍA undir samning við KR til fjögurra ára  og verður hann gjaldgengur með KR strax í næsta leik sem er gegn Fjölni á morgun. Bjarni leikur því fyrir tvö félög í sömu umferð Íslandsmótsins og líklega hefur það aldrei gerst fyrr. Á heimasíðu KR segir að Bjarni leiki í treyju nr. 18.

Bjarni er 29 ára gamall, fæddur og uppalin Akurnesingur og lék með öllum yngri flokkum ÍA og síðan meistaraflokki til ársins 1995 að hann hélt utan í atvinnumennsku og lék í Englandi, Belgíu og Þýskalandi. Hann kom aftur heim til ÍA árið 2006 og lék sinn síðasta leik fyrir ÍA í gær gegn FH.

 

 

Gísli Gíslason stjórnarformaður rekstrarfélags Knattspyrnufélags ÍA segir að gengið verði endanlega frá samningi ÍA og KR í hádeginu í dag og að hlutur ÍA í þessu sé viðunandi. „ Það er hinsvegar kýrskýrt og klárt að okkar vilji var að halda Bjarna Guðjónssyni en það var aftur á móti greinilegt að vilji hans var annar og því þýðir ekkert að berja hausnum við steininn í þeim efnum,” segir Gísli. Hann sagði ekkert í samningum um leikmenn frá KR til ÍA né heldur séu nein leikmannakaup fyrirhuguð. “Við höfum unga stráka sem nú fá að spreyta sig og í næsta leik koma þeir Arnar og Bjarki báðir inn þannig að við erum að fá tvo fyrir einn. Þótt við höfum tapað þessum leik stórt í gær þá voru nokkrir jákvæðari punktar í leiknum en verið hefur. Við skoruðum þó tvö mörk, sem er nokkuð sem ekki hefur tekist lengi. Tveggja marka múrinn er þó í það minnsta rofinn,” segir Gísli Gíslason. Lengst af var talið að Valur væri í myndinni hjá Bjarna en Gísli segir það hvaða félag yrði ofan á hefði ekkert komið inn á borð hjá ÍA. „Vilji leikmannsins réð alfarið í þessum efnum,” segir hann.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is