Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. september. 2008 03:00

Húsfyllir á styrktartónleikum

Gaukur og Tommi voru meðal þeirra sem komu fram.
Skagamenn og nágrannar sýndu samhug í verki þegar þeir fjölmenntu á styrktartónleika í Skrúðgarðinum í liðinni viku. Reiknað er með að milli 150 og 160 manns hafi verið í húsinu þegar mest var. Það voru vinir og vandamenn Þórhildar Nætur Mýrdal sem stóðu fyrir tónleikunum og fengu til liðs við sig söng- og tónlistarfólk af svæðinu.

Þórhildur Nótt fæddist þann 21. apríl síðastliðinn og var aðeins tveggja mánaða gömul greind með ólæknandi vöðvahrörnunar-sjúkdóm, SMA.

Jón Gunnar Mýrdal, faðir Þórhildar Nætur, gat ekki komið á tónleikana þar sem hann var heima með dóttur sinni en hún þarfnast mikillar umönnunar sökum sjúkdómsins. Jón Gunnar segist í samtali við Skessuhorn vilja koma kæru þakklæti á framfæri. “Mig langar að þakka þeim sem stóðu fyrir tónleikunum, þeim sem mættu og öllum þeim sem hafa staðið við bakið á okkur að undanförnu,” segir hann.

 

Margir ágætir skemmtikraftar stigu á stokk á tónleikunum og stóðu fyrir nær stanslausum tónlistarflutningi í þrjá tíma. Allir þeir sem fram komu á sviðinu og störfuðu að skemmtuninni gáfu vinnu sína. Fram kom hjá kynnum að ekkert hafi skort á að fólk væri tilbúið að taka þátt í þessu góða framtaki. Meðal þeirra sem skemmtu voru tveir ungir drengir, Gaukur og Tommi. Þeir hringdu sérstaklega og spurðu hvort þeir mættu taka þátt í þessu „giggi“.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is