Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. september. 2008 07:20

Lækka verð á skólamáltíðum vegna efnahagsástands

Bæjarráð Grundarfjarðar samþykkti á dögunum að lækka verð á skólamáltíðum. Með þeirri ákvörðun er bæjarráð að taka tillit til efnahagsþróunar og aukinnar greiðslubyrði heimilanna. Fyrir stuttu voru áform um að hækka verðið á skólamáltíðunum úr 420 krónum í 470, en kútvent var frá þeirri stefnu og af fyrrgreindum ástæðum ákveðið að verð á skólamáltíðum fyrir næsta skólaár yrði 350 krónur.

Það voru tvær húsmæður í bæjarráði sem lögðu tillöguna fram og var hún samþykkt samhljóma. Í greinargerð þeirra Þóreyjar Jónsdóttur og Rósu Guðmundsdóttur segir: „Undirrituðum þykir ástæða til þess á þessu hausti að lækka verð til nemenda fyrir skólamáltíðir. Rök fyrir þessu eru í fyrsta lagi að efnahagsþróun hefur verið heimilum óhagstæð undanfarna mánuði og hefur það ekki síst bitnað á ungu fólki sem er með vaxandi fjölskyldu og þunga greiðslubyrði vegna húsnæðislána og annarra skulda. Í öðru lagi þykir undirrituðum ástæða til þess að hvetja til þess með verðlækkun að öll börn í grunnskólanum njóti máltíða innan veggja hans á skólatíma. Það er skoðun skólayfirvalda að skólamáltíðir auki vellíðan barna á skólatíma og stuðli að betri eftirtekt og námsárangri.“

 

Í tillögunni segir að gjaldskráin miðist við að maturinn verði keyptur inn frá veitingahúsi eða verktaka. Framreiddar verði máltíðir fyrir nemendur í Grunnskóla Grundarfjarðar alla skóladaga frá mánudegi til fimmtudags í húsnæði grunnskólans. Sá varnagli er sleginn í að gjaldskrá endurskoðist eftir skólaárið í ljósi verðlagsbreytinga eða fyrr ef breytingar verða á fyrirkomulagi við matarinnkaup og matargerð.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is