Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. september. 2008 09:40

Tap Víkinga í síðasta heimaleiknum

Þó nokkurt tilstand var í Ólafsvík fyrir síðasta heimaleik Víkinga síðasta föstudag þegar nafnar þeirra í Reykjavík komu í heimsókn. Bæði lið sigldu lygnan sjó fyrir þennan leik sem bar þess merki að ekki væri mikið í húfi. Gestirnir höfðu betur úr þessari viðureign 1:2 og náðu þar með að rétta stöðu sína á töflunni, en útlit er fyrir að árangur Reykjavíkur Víkinga þetta árið verði með því slakasta í sögu félagsins. Ólafsvíkur Víkingar féllu við tapið niður í 9. sæti deildarinnar.

Fjölmargir áhorfendur voru mættir og þurftu þeir ekki að bíða lengi eftir fyrsta markinu. Gestirnir náðu forystu strax á fjórðu mínútu þegar Egill Atlason þrumaði boltanum í markið eftir hnoð í teignum. Eftir markið náðu Ólafsvíkur Víkingar yfirhöndinni og áttu nokkrar góðar sóknir. Þar var atkvæðamikill hinn ungi Brynjar Kristmundsson en hann hafði ekki árangur sem erfiði þrátt fyrir að ógna Víkingsmarkinu nokkrum sinnum, sem og Hermann Geir Þórsson. Sóknir heimamanna báru þó árangur á 28. mínútu þegar Hermanni var hrint inni í teignum og víti dæmt. Brynjar Víðisson skoraði örugglega úr spyrnunni og jafnaði metin 1:1. Stuttu seinna varði Ingvar Kale markvörður gestanna glæsilega en á 36. mínútu kom sigurmark leiksins. Sending frá hægri virtist algerlega hættulaus en fyrirliði heimamanna, Alfreð Jóhannsson, varð fyrir því óláni að setja knöttinn yfir Snæbjörn markmann og í markið.

 

Lítið markvert gerðist í seinni hálfleik en þá léku Ólafsvíkur Víkingar á móti strekkingsvindi. Á 83. mínútu var Gunnar Kristjánsson framherji gestanna að sleppa í gegnum vörn heimamanna þegar Alfreð fyrirliði felldi hann og fékk beint rautt fyrir. Þar með var síðasta von heimamanna um stig farin og það sem eftir lifði leiks gerðist hreinlega ekkert. Síðasti leikur Ólafsvíkur Víkinga í 1. deildinni í ár verður á Akureyri á móti KA á laugardaginn kemur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is