Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. september. 2008 11:48

Valdís Þóra sigraði í golfmóti eftir árekstur

“Ég var bara að keyra út af ÓB bensínstöðinni til þess að fara á mótið og fékk jeppa framan á mig sem var að keyra inn á planið,” segir Valdís Þóra Jónsdóttir kylfingur úr Golfklúbbnum Leyni sem gerði sér lítið fyrir og sigraði á Kaupþingsmótinu á Urriðavelli á sunnudag rétt eftir að hafa lent í hörðum árekstri á Akranesi. Þetta var fyrsti sigur Valdísar í mótaröðinni en hún lék hringina tvo á samtals 14 höggum yfir pari. Valdís Þóra marðist illa á öðrum handleggnum við áreksturinn en segir það ekki hafa komið til greina að fara á sjúkrahús til þess að láta líta á meiðslin. “Ekki séns. Ég þurfti að fara að hita upp.” Það vildi henni til happs að hún er rétthent en það var vinstri handleggurinn sem varð fyrir hnjaski.

“Ég hringdi í systur mína og gömlu hjónin enda þurfti ég að fá nýjan bíl þar sem minn var óökufær. Systir mín keyrði svo með mig suður.”

 

Þegar Valdís er innt eftir því hvort meiðslin hafi ekki háð henni í mótinu segist hún hafa fundið ráð við því. “Það var frekar vont að slá, en ég tók verkjatöflu og fann lítið fyrir því þangað til á síðustu holunum,” segir Valdís Þóra sem segist þó ekki ætla að gera það að reglu að lenda í árekstri fyrir mót þótt árangurinn hafi verið góður. “Nei, ég er nú ekki mjög spennt fyrir því að leggja þetta í vana minn.”

 

Næst á dagskrá hjá þessum efnilegasta kylfingi Akraness er Faldo mótið í Brasilíu sem fram fer í lok október. Hún öðlaðist þátttökurétt á því móti eftir sigur á Nick Faldo mótinu á Akranesi í sumar. “Ég er á fullu að æfa fyrir það og set takmarkið á að vekja eftirtekt.”

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is