Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. september. 2008 11:46

Ærleg skemmtun fyrir sauðsvartan almúgann

Sauðamessa verður haldin í Borgarnesi laugardaginn 4. október. Um er að ræða stórhátíð sem tileinkuð er sauðkindinni og sauðnum í okkur sjálfum, haldin af áhugamönnum um almennan sauðshátt. Hátíðin er haldin í og við Skallagrímsgarð í Borgarnesi og hefst klukkan 13.30 að staðartíma með fjárrekstri. Á útisviði í Skallagrímsgarði verður stanslaus dagskrá frá kl. 14-17 en meðal þeirra sem þar koma fram eru Björgvin Franz, Hvanndalsbræður, Jóhann Sigurðarson leikari og Þórður frá Klapparholti. Þá verður efnt til landskeppni í Lærasnæðingi, sparðatíningi og fleiru.

Ýmis önnur afþreying verður í boði utan sviðs, svo sem Íslandsmótið í Vettlingatökum, kjötsúpukeppni veitingamanna, lopateygingar og hrákakeppni. Gestir geta brugðið sér á bak gangnahestum, tekið rúnt í heyvagni, fengið glímukennslu eða fylgst með smalahundum sýna listir sínar. Þá verður fólki boðið upp á ókeypis fitumælingu og kjötflokkun á sjálfu sér.

Sauðamarkaður verður í sölutjöldum á staðnum en þar verður í boði hverskonar handverk úr afurðum sauðkindarinnar ásamt ýmsu öðrum. Einnig kjötmarkaður þar sem lambaket verður í fyrirrúmi. Þess má líka geta að sama dag og á sama stað verður kynning á félags- og tómstundastarfi í sveitarfélaginu Borgarbyggð. Þess ber ennfremur að geta að á meðan dagskrá stendur verður í boði frí kjötsúpa fyrir alla landsmenn.

 

Sauðamessu 2008 lýkur síðan með ærlegu hlöðuballi í nýbyggðri reiðskemmu við hesthúsahverfið í Borgarnesi frá kl. 22-02 og er það hin síunga hljómsveit Upplyfting sem leikur fyrir dansi. Þar verður lögð áhersla á stígvélapolka og skylda dansa.

Minnt er á vef Sauðamessu: www.saudamessa.is en nánari upplýsingar gefur Gísli í síma 899 4098.

(Fréttatilkynning)

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is