Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
26. september. 2008 03:06

Á fimmta tug ungmenna í Björgunarsveit Akraness

„Það er frekar í sókn en hitt að ungt fólk hafi áhuga fyrir starfi björgunarsveitarinnar. Mikill áhugi er í unglingasveitinni, þar sem eru krakkar í tveimur efstu bekkjum grunnskólans. Þau voru í hellaferð um síðustu helgi sem tókst ágætlega. Þeir sem taka þátt í unglinga- og nýliðastarfinu hjá okkur eru á fimmta tug,“ segir Ásgeir Kristinsson á Leirá, formaður Björgunarfélags Akraness.  Björgunarfélagið auglýsti eftir nýliðum fyrir skömmu, en þjálfun nýliða í björgunarsveitir nær yfir tvö ár. Ásgeir segir að nýliðun sé góð hjá sveitinni á Akranesi. Núna séu 22 í nýliðaþjálfun á fyrsta og öðru ári.

„Við erum að fara af stað með nýja hópinn í kvöld, þegar farið verður í gönguferð á Akrafjall. Síðan verður haldið í helgarferð í Þórsmerk um aðra helgi, til að hrista hópinn enn betur saman. Loks taka við jöfnum höndum námskeið og ferðir allan veturinn,“ segir Ásgeir. Að hans sögn eru virkir þátttakendur í starfi Björgunarfélags Akraness á bilinu 60 til 80 manns. En skilgreiningin á virkum félaga, er sá sem mætir einu sinni eða oftar í mánuði.

 

„Við þurfum ekki að kvarta yfir áhugaleysi á þátttöku í starfinu. Það veitir líka ekkert af því að hafa öfluga sveit.“ Ásgeir segir að það hafi þó verið rólegt hingað til hjá BA við komu fyrstu haustlægðanna. „Þetta hefur ekki verið svo mikil veðurhæð. Samt ágætis viðvörun til fólks að taka til lauslegt dót sem getur fokið. Það fýkur ekki hjá þeim sem ganga vel frá hlutunum,“ segir Ásgeir.

 

Sjá nánar um starf félagsins á: www.bjorgunarfelag.is

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is