Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. október. 2008 02:21

Lánsfé, rekstrarörðugleikar og hlutafjármarkaður

Sauðamessa 2008 hefst á morgun, laugardaginn 4. október kl. 13.30 að staðartíma með fjárrekstri eftir aðalgötu Borgarness í Fjársýslu. Að sjálfsögðu verður eingöngu lánsfé í rekstrinum, (fengið að láni frá góðbændum í héraði) og fastlega er búist við rekstrarörðugleikum. Því taka messuhaldarar fagnandi öllum sem lopavettlingi geta valdið og vilja koma í fyrirstöðu en annars er það engin fyrirstaða fyrir féð  að hverfa út í buskann eins og algengt er með fé á Íslandi þessa dagana. Vegna þess hefur reyndar verið ákveðið að fá viðbótarfjármagn og því verða kindurnar fleiri en nokkru sinni fyrr.

 

 

 

 

Féð verður rekið inn í fjárþröng (rétt) við Skallagrímsgarð og dagskrá á sviði hefst þar kl. 14.00 – Á sviðinu skemmta m.a. Björgvin Frans, Danshópurinn Sporið, Jóhann Sigurðarson og Þorsteinn Gauti, Freyjukórinn, ungi víkingurinn Þórður Brynjarsson, Hvanndalsbræður ofl. Kynnir er Sveinbjörn Eyjólfsson.

 

Ert þú í O flokki eða 1. flokki +??

Ýmis önnur afþreying verður í boði, s.s. sætaferðir á heyvagni, Íslandsmótið í vettlingatökum, sparðatíningur, smalahundasýning,  átkeppni, leitin að nál í heystakki, hestaferðir ofl.

 

Sauðamarkaður verður í Skallagrímsgarði en þar verða bændur og búalið, handverksfólk og fleiri með afurðir sínar og varning til sölu. Þá ætlar Landbúnaðarháskóli Íslands að bjóða upp á ókeypis kjötflokkun og fitumælingar fyrir fólk.  Einnig má nefna að nú verður í fyrsta sinn krýndur Sauður ársins og Ær-ingi ársins en það eru æðstu metorð Sauðamessunnar.

 

Hlöðuball

Sauðamessu 2008 líkur með hrikalegu hlöðuballi í nýju reiðhöllinni í hesthúsahverfinu ofan við Borgarnes. Hljómsveitin Upplyfting leikur fyrir dansi af öllum lífs og sálar kröftum frá kl. 22.00 – 02.00. Aldurstakmark er 16 ár og miðaverð 2000 kr. – SNYRTILEGUR KLÆÐNAÐUR ER BANNAÐUR!

 

Athugið að boðið er upp á ókeypis sætaferðir úr Borgarnesi á ballið með Sæmundi.

 

Kærkomið tækifæri til að sletta ærlega úr klaufunum!

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is