Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. október. 2008 01:51

Hörður Torfa með tónleika í Logalandi í kvöld

Hörður Torfason, söngvari og lagahöfundur heldur tónleika í kvöld kl. 21 í Logalandi í Reykholtsdal. Þetta eru þriðju tónleikar hans í Logalandi en hann hefur einatt fengið góða aðsókn þegar hann hefur sótt Borgfirðinga heim. “Þessir tónleikar verða að mestu byggðir á hausttónleikunum mínum sem ég hélt nýlega, en þetta var 33ja árið sem ég hélt þá,” segir Hörður í samtali við Skessuhorn. “Annars held ég sárasjaldan tvenna tónleika eins. Ég breyti gjarnan dagskrá á ferðalögum og flyt söngva eins og andinn blæs mér í brjóst hverju sinni, eða eins og mér finnst henta best þeim hlustendum sem eru í sal. Hlustendur geta nefnilega daufir, rólegir eða þungir, meðan aðrir eru léttir og hláturmildir.”

Hörður segir að nóg sé til af söngvum eftir sig því fjöldi þeirra losar 400 og flestir við eigin texta, en örfáir þeirra við ljóð annarra. “Ég hef undanfarnar vikur t.d. verið að enduræfa tónleika sem ég hélt í Jónshúsi árið 1982 en þeir samanstanda af lögum mínum við ljóð Steins Steinarrs, en aldarafmæli Steins verður 13. október og ég ætla að flytja þessa söngva það kvöld í Reykjavík til að heiðra minningu þessa áhrifaríka skálds.” 

 

Ævisaga

“En ég er líka þessa daga að ljúka við ævisöguna mína, sem hefur verið í vinnslu í 2 og hálft ár og fer í prentun eftir helgi og mun koma út um næstu mánaðamót. Ævisagan hefur orðið þess valdandi að ég hef enn ekki getað lagt land undir fót og farið hringinn með tónleika. Svo ég er að verða dáldið eirðarlaus því hringferðin er komin sterklega inn í blóðið eftir öll þessi ár. En ég gerði fyrstu plötuna mína út 1970 og byrjaði að ferðast um landið sem söngvakáld og leikstjóri uppúr því,” sagði Hörður að lokum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is