Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. október. 2008 11:30

Tryggjum rétt barna að njóta áhyggjulausrar bernsku

Stjórn Félags leikskólakennara hefur sent frá sér fréttatilkynningu þar sem varað er við neikvæðum afleiðingum fjármálakreppunnar. Á fundi í félaginu nýverið varð mikil umræða um efnahagsmál þjóðarinnar og hugsanleg áhrif á líðan leikskólabarna og foreldra þeirra. Samþykkti félagið að í ljósi atburða síðustu daga sé ljóst að fjárhagur margra heimila getur versnað næstu misserin. Í þannig aðstæðum er mjög mikilvægt að ungum börnum sé eins og kostur er haldið utan við umræður um áhyggjur og kvíða vegna fjárhagsvanda og þess gætt að líf þeirra fari sem minnst úr skorðum.

Stjórn FL hvetur því menntamálaráðuneyti, sveitarfélög og aðra rekstraraðila leikskóla til þess að tryggja að börn hafi fullan og óskertan aðgang að leikskólanámi þrátt fyrir tímabundna fjárhagslega erfiðleika. Leikskólastjórar eru hvattir til að vera á varðbergi og grípa inn í ef grunur er um að foreldrar neyðist til að segja upp leikskóladvöl sökum fjárskorts.  Stjórn FL beinir því einnig til skólastjóra og kennara í leikskólum að sjá til þess að leikskólinn sé griðastaður barna þar sem þau geta dvalið við leik og nám og notið leikskólasamfélagsins án þess að þurfa að hlusta á umræður eða verða fyrir áreiti af nokkru tagi vegna þeirra óvenjulegu aðstæðna  sem blasa við í íslensku efnahagslífi.

 

“Stöndum saman um að virða rétt barna til að njóta áhyggjulaus bernsku sinnar,” segir að lokum í ályktun stjórnar Félags leikskólakennara sem Björg Bjarnadóttir formaður skrifar undir.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is