Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. október. 2008 12:10

Góð barátta Snæfells dugði ekki

Bikarmeistarar Snæfells í körfuknattleik urðu að sætta sig við naumt tap gegn Íslandsmeisturum Keflavíkur í úrslitaleik Meistarakeppninnar í gær. Heimamenn í Keflavík höfðu frumkvæðið allan leikinn en Snæfellingar neituðu að gefast upp og eygðu möguleika fram á síðustu mínútu. Af þessum leik er að merkja að bæði þessi lið verða líklega í toppbaráttunni í vetur, Snæfell mikið karakterslið með sterka einstaklinga. Þessa eiginleika hafa Keflvíkingar líka og breiðan leikmannahóp að auki.  Snæfell átti í erfiðleikum framan af leik á móti pressuvörn Íslandsmeistaranna. Munurinn var þó aldrei mikill og þegar leið fram að leikhléi voru Snæfellingar að mestu búnir að losa sig undan pressunni.

Sigurður Þorvaldsson kom síðan Snæfelli yfir með flautukörfu og Hólmarar leiddu í hálfleik 38:37.

 

Baráttan hélt áfram í byrjun seinni hálfleiks og það fór ekki að draga sundur með liðunum fyrr en þriðji leikhluti var hálfnaður. Snemma í síðasta leikhluta voru Keflvíkingar komnir í þægilega stöðu 72:60, en sem fyrr neituðu Snæfellsmenn að gefast upp og voru búnir að minnka muninn niður í fjögur stig þegar tvær mínútur voru til leiksloka. Keflvíkingar sögðu þá hingað og ekki lengra og lokatölur urðu 77:73 fyrir Keflavík sem stóð þar með uppi sem meistari meistaranna.

 

Hjá Snæfelli var Sigurður Þorvaldsson stigahæstur með 23 stig og níu fráköst, Hlynur Bæringsson gerði 13 stig og tók 17 fráköst, Atli Rafn Hreinsson skoraði 14 stig, Jón Ólafur Jónsson 11, Kristján Andrésson 6 og þeir Gunnlaugur Smárason og Egill Egilsson þrjú hver. Hjá Keflavík var Sigurður Gunnar Þorsteinsson stigahæstur með 18 stig og næstur kom Hörður Vilhjálmsson með 15 stig.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is