Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. október. 2008 09:16

Segja upp samningum um akstur menntaskólanema

Stjórn Menntaskóla Borgarfjarðar hefur frá næstu mánaðamótum sagt upp samningum við skólabílstjóra í sveitarfélaginu um að sinna akstri nemenda MB úr dreifbýli héraðsins samhliða akstri grunnskólabarna af svæðinu. Samtals eru 21 nemandi skólans sem hefur nýtt sér heimanakstur. Þegar skólinn fór af stað haustið 2006 var það eindreginn vilji stjórnar skólans og sveitarstjórnar að bjóða íbúum sveitarfélagsins heimanakstur í menntaskólann líkt og nemendum á skólaskyldualdri býðst. Slíkt tíðkast að vísu ekki annarsstaðar.

“Okkur tókst að kljúfa þetta án styrks frá sveitarfélaginu fyrsta skólaárið en nú í haust rauk kostnaðurinn upp. Nemendum fjölgaði, aka þurfti lengri afleggjara og minni samnýting var með akstri grunnskólabarna en var á síðasta ári.

Nemendurnir hafa fengið jöfnunarstyrk til að mæta akstri úr dreifðum byggðum en hann nemur einungis broti af kostnaði. Þannig var heildargreiðsla allra nemenda í fyrra 370 þúsund krónur af þremur milljónum sem aksturinn kostaði á síðasta ári,” segir Ársæll. Hann segir að skólinn hefði þurft að taka fyrir akstrinum af rekstrartekjum skólans en þar sé enginn afgangur. “Kostnaður við aksturinn á yfirstandandi haustönn hefði orðið níu milljónir króna og sáum við okkur ekki fært að taka það af rekstrarfé. Eftir að sveitarfélagið hafnaði beiðni um aðkomu sveitarfélagsins að kostnaði við aksturinn urðum við að skrifa foreldrum og tilkynna að honum yrði hætt með óbreyttu sniði.” Ársæll segir að fundað verði með foreldrum og nemendum sem um ræðir í kvöld um það hvernig haga megi akstri til næstu annaskipta. “Við höfum verið að skoða húsnæðismálin hér í Borgarnesi og vonumst við til að heimavist verði komin í gagnið haustið 2009 og jafnvel fyrr,” sagði Ársæll að lokum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is