Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. október. 2008 06:18

Dalabyggð minnir á að sveitarfélögin eru grunngerð samfélagsins

“Sveitarstjórn Dalabyggðar skorar á stjórnvöld að styrkja grunngerð samfélagsins sem eru sveitarfélögin og tryggja rekstrargrundvöll þeirra. Það er einmitt rétti tíminn til þess að sækja fram á þeim vettvangi. Uppbyggingin hefst með grunngerðinni og þar á ekki að beita niðurskurðarhnífnum,” segir í upphafi ályktanar sem sveitarstjórn Dalabyggðar samþykkti í dag.  Þá segir í ályktun sveitarstjórnar að nú standi yfir vinna við gerð fjárhagsáætlunar fyrir árið 2009 í Dalabyggð. “Veruleg óvissa er um forsendur gjalda- og tekjuhliðar áætlunarinnar. Í frumvarpi til fjárlaga ríkisins fyrir árið 2009 er ekki gert ráð fyrir 1.400 m.kr. aukaframlagi til Jöfnunarsjóðs.

Gert er ráð fyrir að tekjur ríkissjóðs muni dragast saman en það veldur samdrætti tekjuhliðar almennra framlaga jöfnunarsjóðsins. Gangi þetta eftir mun það hafa verulegar afleiðingar á rekstur sveitarfélaganna í landinu ekki síst þeirra sem eru utan þenslusvæða undangenginna ára.

 

Framlög Jöfnunarsjóðs eru um 40% skatttekna sveitarfélagsins Dalabyggðar. Þetta hlutfall er hærra hjá mörgum sveitarfélögum. Aukaframlagið kom til vegna skekkju í tekjuskiptingu ríkis og sveitarfélaga en dugir engan veginn til þess að brúa það bil. Það getur haft alvarlegar afleiðingar í för með sér ef þetta framlag verði aflagt núna jafnhliða því sem almenn framlög jöfnunarsjóðs dragast saman vegna ástandsins í efnahagsmálum. Slíkum tekjusamdrætti þarf að mæta með niðurskurði og þá er stutt í skerðingu á lögbundinni þjónustu sveitarfélaganna. Dalabyggð skorar á stjórnvöld að standa vörð um grunngerðina – það hefur aldrei verið mikilvægara en einmitt nú,” segir að lokum í ályktun Dalamanna.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is