Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
31. október. 2008 07:39

Hörður Torfa og Þjóðlagasveitin í samstarf

Hörður mun koma fram með Þjóðlagasveitinni
“Það hefur lengi staðið til að fá Hörð Torfa í samvinnu með okkur,” segir S. Ragnar Skúlason stjórnandi Þjóðlagasveitar Tónlistarskólans á Akranesi, en sveitin mun halda tónleika í Tónbergi með Herði föstudaginn 7. nóvember kl. 20. “Ég ræddi við hann fyrir þremur árum. Hann tók afar vel í hugmyndina og er í raun búinn að vera að bíða eftir okkur síðan. Loksins er að verða af þessu núna. Ég sótti um styrk til verkefnisins hjá Menningarráði Vesturlands og við vorum svo heppin að fá hann.” Þjóðlagasveitin hefur áður spilað með þekktum listamönnum, einmitt á Vökudögum fyrir tveimur árum þegar þeir Stefán Hilmarsson og Eyjólfur Kristjánsson stigu á stokk með sveitinni.

Í þetta sinn er Ragnar búinn að útsetja sjö lög Harðar og setja þau í búning sem hentar Þjóðlagasveitinni.

“Þessi sjö lög verða bæði leikin, sungin og spiluð. Ég er búinn að stúdera Hörð mikið að undanförnu. Fékk ellefu geisladiska frá honum og notaði sumarið til þess að hlusta á þá og velja lög til að spila með honum. Það var ekki leiðinlegt verk. Ég uppgötvaði að Hörður er ekki síst frábær textasmiður, því þótt maður hafi lengi hlustað á tónlistina hans var maður ekki endilega að leggja eyrun eftir orðunum,” segir Ragnar en tónleikarnir verða í raun margskiptir. “Þeir hefjast á góðum molum úr okkar safni, svo leikum við þessi lög með Herði fram að hléi. Hann byrjar einn eftir það og kallar okkur svo upp í lokin og við endum þetta saman.”

Forsala á tónleikana er þegar hafin í Eymundsson, en miðaverð á tónleikana er 1.500 krónur. “Við ákváðum að byrja hana í fyrra fallinu. Ef aðsókn verður góð er hugmyndin að bæta við öðrum tónleikum sama kvöld,” segir Ragnar.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is