Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. október. 2008 12:02

Tuttugu starfsmönnum í byggingariðnaði sagt upp

„Mér finnst útlitið fremur dökkt og óttast að atvinnuleysi muni aukast á næstu vikum. Ég hef fregnað núna síðustu daga af uppsögnum alls 20 starfsmanna hjá tveimur byggingafyrirtækjum, þar af 14 í Smellinn hjá BM Vallá. Ég gæti trúað því að þetta sé það sem við megum eiga von á, sérstaklega í byggingariðnaði,“ segir Vilhjálmur Birgisson formaður Verkalýðsfélags Akraness í samtali við Skessuhorn. Vilhjálmur var meðal forvígismanna atvinnu- og félagsmála á Akranesi og í nágrenni sem hittust á fundi í bæjarþingsalnum á Akranesi í gær. Þar var farið yfir stöðuna sem við blasir í kjölfar efnahags- og bankakreppu að undanförnu.

Vilhjálmur segir að á fundinum hafi verið rætt um að mynda aðgerðahóp sem hefði það hlutverk að bregðast við og aðstoða fólk eftir föngum. Hann sagði niðurstöðu fundarins í gær hafa verið að bæjarstjórn Akraness myndi vera leiðandi í því máli, en á fundinn voru einnig mættir fulltrúar frá Hvalfjarðarsveit, þar á meðal Laufey Jóhannsdóttir sveitarstjóri.

 

Fundurinn í gær var undir stjórn Gunnars Sigurðssonar forseta bæjarstjórnar Akraness. Þar var mætt Hrönn Ríkharðsdóttir fulltrúi minnihluta bæjarstjórnar, Haraldur Helgason frá atvinnumálanefnd og Sveinborg Kristjánsdóttir félagsmálastjóri Akraneskaupstaðar. Einnig tóku þátt í fundinum aðilar sem væntanlega munu tengjast viðbúnaðarhópi þegar hann verður myndaður, Gunnar Richardsson frá Vinnumálastofnun, Ólafur Hauksson sýslumaður, Guðjón Brjánsson framkvæmdastjóri  Sjúkrahússins og heilsugæslunnar á Akranesi, Gerða Bjarnadóttir frá Akranesdeild Rauða kross Íslands, séra Eðvarð Ingólfsson sóknarprestur og Sigurður Sigursteinsson frá endurhæfingarmiðstöðinni Hver.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is