Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. nóvember. 2008 01:22

Miklar breytingar á kjörum námsfólks hjá LÍN

Vegna þeirra aðstæðna sem uppi eru í íslensku efnahagslífi, og með hliðsjón af erfiðri stöðu margra námsmanna erlendis, hefur menntamálaráðherra að höfðu samráði við Samband íslenskra námsmanna erlendis (SÍNE) og Lánasjóð íslenskra námsmanna (LÍN) ákveðið að fallast á tillögur stjórnar LÍN. Þær fela í sér breytingar á reglum sjóðsins fyrir yfirstandandi skólaár til hagsbóta fyrir íslenska nemendur erlendis og fjölskyldur þeirra. Þá fela þessar breytingar einnig í sér ívilnandi reglur fyrir þá skuldara LÍN sem verða fyrir miklum tekjusamdrætti á milli áranna 2008 og 2009.

Meðal þess sem nú breytist er að veitt verða aukalán vegna röskunar á högum lánþega erlendis. Hafi námsfólk orðið fyrir ófyrirsjáanlegri röskun á stöðu og högum erlendis verður heimilt að veita viðkomandi aukalán sem samsvarar framfærslu allt að tveggja mánaða. Eftir sem áður eigi lánþegar við nám á Íslandi rétt á sambærilegu aukaláni sem samsvarar framfærslu eins mánaðar.

 

Þá er nú veitt hækkun á vaxtastyrk vegna aukins fjármagnskostnaðar. Vaxtastyrkir eru ætlaðir til að mæta vaxtakostnaði námsmanna vegna yfirdráttarlána. Þá er tekjuskerðing lækkuð úr 10% í 5%. Þá hefur ráðuneytið ákveðið að í stað þess að útreikningur vegna námslána skiptinema skólaárið 2008-2009 miðist við gengið 1. júní 2008 verður útreikningurinn miðaður við gengi 26. september 2008. Að öðru óbreyttu þýðir þetta um 23% hækkun framfærslulána til þessa hóps miðað við fyrri áætlun.  Ráðuneytið eykur einnig sveigjanleika í endurgreiðslum námslána. Greiðendum í vanskilum og þeim sem sjá fram á vanskil vegna tekjutengdra afborgana af námslánum sínum, með gjalddaga 1. september 2008 eða 1. nóvember 2008, verður gefinn kostur á gera greiðslusamkomulag til þriggja mánaða í stað tveggja mánaða áður gegn lágmarksinnborgun sem samsvarar 1/3 skuldar í stað helmings áður.

 

Einnig komið til móts við eldri námsmenn

Þá er tekið tillit til tekjutaps þeirra sem greiða af námslánum í dag. Greiðendur námslána sem verða fyrir 20-30% tekjufalli milli áranna 2008 og 2009 eiga kost á lækkun tekjutengdrar afborgunar haustið 2009 og þeir sem verða fyrir tekjufalli umfram 30% geti fengið tekjutengdu afborgun ársins fellda niður að fullu. Almennt er greiðendum námslána í dag gert að greiða 3,75% - 4,75% af heildartekjum undangengis árs í afborganir af námslánum sínum. Með breytingunni er leitast við að koma til móts við þá sem verða fyrir verulegum tekjumissi milli ára.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is