Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. nóvember. 2008 08:11

Halli á endurskoðaðri fjárhagsáætlun Dalabyggðar

Á fundi sveitarstjórnar Dalabyggðar 28. október sl. var tekin til seinni umræðu og afgreiðslu endurskoðun fjárhagsáætlunar fyrir yfirstandi ár. Í bókun frá fundinum segir m.a: “Það hefur væntanlega ekki farið fram hjá neinum að stórkostlegar breytingar hafa átt sér stað í efnahagslífinu á Íslandi og reyndar um allan heim. Þessi holskefla hefur breytt öllum áætlunum og forsendum við rekstur sveitarfélagsins. Endurskoðuð fjárhagsáætlun fyrir árið er því lögð fram miðað við stöðu dagsins í dag. Þó eru enn tveir mánuðir til áramóta og landslagið getur breyst gríðarlega á þeim tíma.” Sveitarstjórn staðfesti áætlun fyrir árið 2008 með öllum greiddum atkvæðum.

Helstu niðurstöður áætlunarinnar eru að sjö milljóna króna halli er á A-hluta áætlunarinnar og 22,4 m.kr. halli á samstæðunni.

Um 25 m.kr. sveifla er á rekstrarniðurstöðu frá áætlun sem lögð var fyrir í upphafi árs. “Þá niðurstöðu má nær eingöngu rekja til hækkunar fjármagnskostnaðar en það segir sig sjálft að hrun krónunnar, verðbólga og vextir eru langt umfram það sem gert var ráð fyrir í áætlunum. Verðbólguspá ársins gerði t.d. ráð fyrir 4% verðbólgu sem hefur meira en þrefaldast þetta árið. Ekki er talin þörf á lántöku til að mæta halla á rekstri og er handbært fé í árslok áætlað rétt um 71. m.kr. Veltufé frá rekstri er áætlað 52 m.kr. en var 37 m.kr.”

 

Þá segir í bókun sveitarstjórnar að við gerð fjárhagsáætlunar fyrir árið 2009 verði að taka mið af þessari stöðu. “Það getur hins vegar verið óskynsamlegt að draga mikið saman þar sem atvinnulífið á svæðinu er brothætt og sveitarfélagið þarf að vera í fararbroddi og draga vagninn á þessum tímum.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is