Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. nóvember. 2008 12:06

Keppa í barnsburði og naglaásetningu

Leikklúbbur Laxdæla hefur ákveðið að fara heldur frumlega leið í fjáröflun fyrir félagið þetta árið. Klúbburinn mun standa fyrir svokölluðum Dalaleikum 2008 þar sem keppt verður í greinum á borð við lykkjuísetningu, ullarvettlingafimi, barnsburði og naglaásetningu. “Ég veit ekki annað en að þetta sé í fyrsta skipti sem keppt er í þessum greinum hér,” segir Guðmundur Sveinn Bæringsson ritari Leikklúbbs Laxdæla. Þegar hann er beðinn um nánari útskýringar á keppni í barnsburði segir hann að um kraftakeppni sé að ræða. “Þar munu jötnar af báðum kynjum bera börn á milli fyrirfram ákveðinna staða.”

Hugmyndirnar að þessum óvenjulegu keppnisgreinum yrðu til á fundi stjórnarinnar ásamt þeim félögum í klúbbnum sem mættu á hugarflugsfund. “Ætlunin er að nota þá fjármuni sem safnast til uppsetningar á leikriti fyrir Jörvagleði á næsta ári,” segir Guðmundur Sveinn.

 

Stefnt er að því að Dalaleikarnir fari fram þrjú kvöld, dagana 10., 17. og 24. nóvember. Á einu þeirra verður keppt utandyra eða í réttinni. Hin tvö verða innandyra og þar munu fínhreyfingar og matarlyst fá að njóta sín í keppnisgreinum að því er fram kemur í tilkynningu. Á úrslitakvöldinu, þann 24. nóvember, verða vitsmunir og tjáning í fararbroddi sem og önnur fíflalæti. Vegleg verðlaun verða í boði og verða einnig veitt verðlaun fyrir frumlegustu liðsbúningana og bestu klappstýrurnar.

Keppt verður í þriggja manna liðum og eru Dalamenn hvattir til þess að skrá sig og vera með á þessum fyrstu vetrarleikum Dalabyggðar. Þátttökugjald er 3 þúsund krónur á lið. Skráningar þurfa að berast stjórninni fyrir þann 6. nóvember, til dæmis í s. 691 2474 (Guðmundur) eða á netfangið gorfinnur@hotmail.com.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is