Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. nóvember. 2008 11:00

Sýna áhuga á netþjónabúi í Borgarbyggð

Borgarbyggð þykir henta vel fyrir netþjónabú.
Fulltrúar fyrirtækisins Titan Global ehf. kynntu hugmyndir sínar um uppbyggingu netþjónabúa fyrir sveitarstjórn Borgarbyggðar á fundi í gær. “Við erum einn þriggja aðila sem þeir ætla sér að ræða við,” segir Páll S. Brynjarsson sveitarstjóri. Netþjónabú eru gagnamiðstöðvar fyrir tölvugögn. Vöxtur þeirra í heiminum er ör og fer nærri að geymsluþörfin aukist um 50-100% ár hvert. Líkt og fram hefur komið í fréttum hafa sjö sveitarfélög vítt og breitt um landið undirritað viljayfirlýsingu við fyrirtækið Greenstone um að taka frá aðstöðu undir slík netþjónabú. Talið er að búin geti skapað allt að 40 ný störf á hverjum stað og að fyrsta búið geti tekið til starfa eftir 2 ár svo fremi að nýr sæstrengur verði kominn milli Íslands og Bandaríkjanna.

“Við eigum von á því að fá erindi frá þeim inn á borð til okkar þar sem þeir útlista hvað það er sem farið er fram á frá sveitarfélaginu. Í framhaldinu munum við skoða möguleikana á því að þeir byggi hér netþjónabú,” segir Páll. “Við þurfum jafnframt að gefa þeim ýmsar upplýsingar, til dæmis um stöðu skipulagsmála. Ef þetta kemur út með jákvæðum hætti stíga menn væntanlega skrefið áfram.” Hann segir of snemmt að segja til um það hvenær hugmyndin gæti komið til framkvæmda ef af verður. Eins hversu mörg störf muni skapast ef til kemur.

 

Þess má geta að Borgarbyggð kom vel út í staðarvalsúttekt fyrir netþjónabú sem gerð var meðal ellefu sveitarfélaga fyrr á árinu. Álitlegasta svæðið var þá talið vera á iðnaðarsvæðinu við Vallarás, en mjög mikið landrými þarf fyrir netþjónabú. Eftir miklu er að slægjast þar sem netþjónabú eru mannfrek þjónusta í hátæknistörfum. Ekkert þeirra sjö sveitarfélaga sem undirrituðu viljayfirlýsinguna við Greenstone voru með í staðarvalsúttektinni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is