Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. nóvember. 2008 12:50

Borgarbyggð selur allt stofnfé í SPM til Nýja Kaupþings

SPM fer nú í eigu Kaupþings
Sveitarstjórn Borgarbyggðar samþykkti samhljóða á fundi sínum á föstudag að taka tilboði frá Nýja Kaupþingi í allt stofnfé Sparisjóðs Mýrasýslu. Kaupin eru gerð með fyrirvara um samþykki stjórnar Nýja Kaupþings sem sett var á föstudag. Þá þarf Fjármálaeftirlit og Samkeppnisstofnun einnig að samþykkja samninginn sem og lánveitendur SPM. Með þessu segja fulltrúar Nýja Kaupþings og Borgarbyggðar að búið sé að draga úr óvissu varðandi afdrif Sparisjóðs Mýrasýslu og að kaupin séu þannig liður í endurskipulagningu sjóðsins.

Bókfært verð stofnfjár sveitarfélagsins í sjóðnum var rúmar 500 milljónir króna en eins og fram hefur komið hefur afkoma sjóðsins verið afar slæm á þessu ári og eigið fé í raun uppurið. Fyrir gjaldþrot Kaupþings lá fyrir tilboð um kaup á nýju stofnfé í sjóðnum en það hafði ekki fengist staðfest af Fjármálaeftirlitinu áður en til gjaldþrots bankans kom. Forsvarsmenn Borgarbyggðar og stjórn Sparisjóðsins hafa undanfarnar vikur unnið stíft að lausn á framtíð rekstrar og eignarhalds í SPM og er niðurstaðan þessi að Borgarbyggð selur allt stofnféð. Vonast menn til að stjórn Nýja Kaupþings og ríkisvaldið meti það svo til lengri tíma litið að vænlegt verði að sparisjóðir verði áfram reknir í landinu. Hinsvegar verður tíminn einn að leiða í ljós hver afdrif SPM verður eftir að hann fer að öllu leyti í eigu ríkisbanka.

 

Páll S Brynjarsson, sveitarstjóri Borgarbyggðar segir samkomulagið hagstætt fyrir sveitarsjóð en með því sé rekstur sparisjóðsins væntanlega tryggður sem og hagsmunir viðskiptavina. Hann segir tilboðið hagstætt fyrir sveitarsjóð en kveðst ekki geta gefið kaupverð uppi fyrr en eftir að allir hlutaðeigandi aðilar verða búnir að samþykkja söluna. “Menn voru auðvitað líka að verja hagsmuna sveitarsjóðs Borgarbyggðar. Við fáum krónur í kassann þó ég geti ekki gefið uppi á þessu stigi hversu margar þær verða,” sagði Páll.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is