Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. nóvember. 2008 10:49

Rosaklúður Bjarna Harðarsonar kostar hann þingmennsku

Bjarni Harðarson
Bjarni Harðarson alþingismaður Framsóknarflokksins í Suðurkjördæmi hefur ákveðið að segja af sér þingmennsku. Þetta kemur fram á bloggsíðu hans þar sem hann segist hafa  tilkynnt formanni Framsóknarflokksins og skrifstofustjóra Alþingis þessa ákvörðun sína nú þegar. Eins og fram hefur komið sendi Bjarni fjölmiðlum landsins í hópsendingu tölvupóst í misgripum þar sem í viðhengi er bréf sem tveir skagfirskir framsóknarmenn skrifuðu Valgerði Sverrisdóttur varaformanni flokksins. Í tölvupóstinum kemur fram að hann hafi átt að fara á aðstoðarmann þingmannsins þar sem Bjarni biður hann að búa til nafnlaust bréf sem sent verði fjölmiðlum með úrdrætti úr bréfinu til Valgerðar. Á bloggi sínu segir Bjarni:

„Í gærkvöldi urðu mér á alvarleg mistök og vitaskuld hljóp hér pólitískur hiti með mig í gönur.  Ég hef af þeirri ástæðu ákveðið að segja af mér þingmennsku enda hefur það ævinlega verið bjargföst sannfæring mín að menn eigi alltaf að axla ábyrgð á eigin gerðum. Um leið og ég kveð stuttan og viðburðaríkan þingferil óska ég samstarfsfólki mínu á þingi og í Framsóknarflokki allra heilla,” segir Bjarni á bloggsíðunni. 

 

Við þingmennsku af Bjarna tekur Helga Sigrún Harðardóttir, skrifstofustjóri þingflokks Framsóknarflokksins. Hún var í 3. sæti á framboðslista Framsóknarflokksins í Suðurkjördæmi í Alþingiskosningunum vorið 2007. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is