Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. nóvember. 2008 07:12

Akranes mætir Kópavogi í Útsvari í kvöld

Máni Atlason
“Við erum búnir að hittast tvisvar til að æfa og skipta með okkur hlutverkum. Valdi ætlar að leika, ég ætla að hlaupa og Steingrímur ætlar að svara,” segir Máni Atlason einn þremenninganna sem keppir í Útsvari fyrir hönd Akraness í beinni útsendingu í Sjónvarpinu í kvöld. Með honum í liðinu eru Steingrímur Bragason og Þorvaldur Þorvaldsson. “Valdi er fínn leikari. Hefur til dæmis leikið með Skagaleikflokknum og fór með lítið hlutverk í kvikmyndinni Bræðrabyltu. Við erum búnir að koma okkur upp kerfi í mýflugumynd. Það gekk ágætlega og ef við erum nógu snöggir ættum við að geta fengið fullt af stigum út úr látbragðsleiknum.”

Mótherjarnir eru þeir sem neðstir voru á óskalistanum, Kópavogsbúar. Kunnugir minnast þess hvernig þeir rúlluðu upp hverri keppninni á fætur annarri á síðasta ári og stóðu að lokum uppi sem sigurvegarar. Þeir Hafsteinn Viðar Hafsteinsson og Víðir Smári Petersen eru aftur í liðinu en Eiríkur Knudsson kemur í staðinn fyrir Örn Árnason leikara. “Ég er frekar óánægður með mótherjana, en við getum alveg unnið þá,” segir Máni.

 

“Sjónvarpið hringdi í mig fyrir löngu til að spyrja hvort einhver dagur hentaði mér sérstaklega illa til að keppa. Ég sagði að það hentaði mér mjög illa að vera sama dag og Kópavogsliðið. Svo dregst þetta svona! En ef við höldum jöfnu fram í stóru spurningarnar myndi ég segja að við ættum jafna möguleika og þeir á sigri. Svo veltur þetta auðvitað töluvert á heppni með spurningar.”

 

Vífill Atlason, bróðir Mána, verður símavinur liðsins líkt og á síðasta ári. “Já, hann verður símavinur aftur með dyggri aðstoð internetsins og foreldra minna,” segir Máni glettinn en umræddir foreldrar eru engir aukvisar þegar kemur að spurningakeppnum, þau Harpa Hreinsdóttir kennari og Atli Harðarson aðstoðarskólameistari í FVA.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is