Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. nóvember. 2008 02:02

Rannsóknasetur við Bifröst þátttakandi í verkefni Alþjóðabankans

Elín Blöndal
Rannsóknasetur vinnuréttar við Háskólann á Bifröst var nýlega valið til ráðgjafar í verkefni um samfélagslega ábyrgð fyrirtækja og jafnrétti á vegum Alþjóðalánastofnunarinnar (IFC) sem er hluti af Alþjóðabankanum í Washington. Valið fór fram á grundvelli útboðs hér á landi en utanríkisráðuneyti Íslands er meðal helstu styrktaraðila verkefnisins. Markmið þessa verkefnis er einkum að efla vitund fyrirtækja um efnahagslegan ávinning af því að nýta framlag beggja kynja og gæta að jafnrétti – jafnt innan fyrirtækja sem í allri framleiðslukeðjunni.

Verkefninu, sem er þegar hafið, lýkur með gerð leiðbeininga og handbókar sem er ætlað að vera grundvöllur skýrslugerðar fyrir fyrirtæki um allan heim, en taki þó sérstakt mið af stöðu nýmarkaðsríkja (e. emerging markets). Verkefninu er stýrt frá Washington en að því kemur fjöldi fólks, frá Alþjóðabankanum, stofnunum hans, fyrirtækjum, stofnunum og samtökum.

Verkefnið er jafnframt þáttur í samstarfi IFC og Global Reporting Initiative (GRI) sem miðar að því að aðstoða fyrirtæki við gerð svonefndra sjálfbærniskýrslna til að bæta árangur sinn í umhverfis-, samfélags- og rekstrarmálum.

 

Elín Blöndal prófessor við lagadeild Háskólans á Bifröst stýrir ráðgjafarhópnum, en hann skipa auk þess Ingibjörg Þorsteinsdóttir dósent við lagadeild og Birgir Óli Sigmundsson M.Sc. í viðskiptafræði og kennari við viðskiptadeild háskólans, sem aðstoðarmaður. Þátttaka ráðgjafarhóps Bifrestinga felst m.a. í rannsóknum, gerð lokaskýrslu verkefnisins, ráðgjöf varðandi mótun og gerð viðmiða um samfélagslega ábyrgð og jafnrétti, þátttöku í vinnuhópum í Bretlandi, Suður-Afríku, Indlandi og Brasilíu og kynningu á verkefninu eftir því sem þörf krefur, en því lýkur í júlí 2009.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is