Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. nóvember. 2008 05:11

Landnámssetrið fékk viðurkenningu á degi íslenskrar tungu

Verðlaun Jónasar Hallgrímssonar voru að venju veitt á Degi íslenskrar tungu sem er í dag. Það var Þorgerður Katrín Gunnarsdóttir menntamálaráðherra sem veitti Herdísi Egilsdóttur kennara aðalverðlaun dagsins. Auk þeirra fengu tveir aðilar viðurkenningu fyrir stuðning sinn við íslenska tungu. Annarsvegar hlaut Útvarpsleikhúsið viðurkenningu og hinsvegar Landnámssetrið í Borgarnesi. Verðlaunahafar fengu allir viðurkenningar í formi listaverka eftir Brynhildi Þorgeirsdóttur.

Í rökstuðningi ráðgjafarnefndar verðalaunanna segir um Landnámssetur Íslands:

“Landnámssetrið sækir þjóðararfinn í hérað og gerir hann aðgengilegan fyrir íslenska jafnt sem erlenda gesti og fyrir alla aldurshópa. Á lifandi hátt ferðast safnagestir aftur í tímann og sögurnar og finna fyrir nálægð Egils á Borg og samferðamanna á áhrifamikilli Egilssýningu þar sem handverk og hugverk spinna órjúfanlega sagnavoð. Landnámssýning varpar ljósi á upphaf þjóðar og skýrir um margt þá ferð sem framundan var í gegnum aldir og hefur skilað Íslendingum á framtíðarveg. Þá eru ótaldar leiksýningar á Sögulofti sem vakið hafa mikla og verðskuldaða athygli og varpað ljósi á Egilssögu á litríkan og frumlegan hátt. Einnig stendur Landnámssetur fyrir sagnakvöldum þar sem sögumenn viðhalda gamalli sagnahefð og tungumálið fær notið sín í sterkri og einfaldri mynd kynngimagnaðrar frásagnar.  Landnámssetur teygir starfsemi sína út fyrir veggi safnsins þar sem vörður hafa verið reistar á sagnaslóð í og við Borgarnes og leiðarvísir fyrir vörðurnar hefur verið útbúinn svo ganga megi um sögustaði og upplifa Eglu á vettvangi atburða.  Á Landnámssetri er unnið metnaðarfullt starf þar sem efniviðurinn er bókmenntir, saga, arfur og umfram allt íslensk tunga og menning.”

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is