Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. nóvember. 2008 01:08

Góður heimasigur Snæfells

Karlalið Snæfells í körfuboltanum tók á viðeigandi hátt þátt í 70 ára afmælishátíð Snæfells á sunnudaginn með því að leggja FSu að velli í einum besta leik liðsins í vetur. Skólapiltarnir frá Selfossi, sem hafa verið að leggja að velli stærri liðin í deildinni, sáu aldrei til himins gegn firnasterkum Hólmurum á sunnudagakvöldið og töpuðu stórt 61:88. Þessi sigur var mikil uppreisn æru eftir tapið gegn ÍR heima á föstudagskvöldið og einnig naum töp Snæfells á tveimur heimaleikjum þar á undan þar sem nokkuð vantaði upp á baráttuna í liðinu.

Snæfellsmenn náðu strax góðum tökum á leiknum og strákarnir frá Selfossi náðu aldrei að klóra í bakkann neitt að ráði. Í hálfleik var Snæfell með 14 stiga forskot, það var komið upp í 21 stig eftir þriðja leikhluta og endaði síðan í 27 stigum.

Hlynur Bæringsson, sem hefur átt við meiðsli að stríða, og ekki verið sjálfum sér líkur í mörgum leikjum í vetur, átti nú gríðarlega góðan leik, bæði í vörn og sókn. Sigurður Þorvaldsson hélt áfram að leika stórvel og skoraði grimmt sem og Jón Ólafur Jónsson. Það voru eins og oft áður stóru mennirnir sem drógu vagninn og hinir voru einnig að standa sig vel.

Hjá Snæfelli var Sigurður Þorvaldsson stigahæstur með 25 stig, Jón Ólafur Jónsson gerði 23 sem og Hlynur Bæringsson, Gunnlaugur Smárason 6, Egill Egilsson 6, Ingveldur Magni Hafsteinsson 3 og Atli Rafn Hreinsson 2. Hjá FSu voru stigahæstir Tyler Dunaway með 16 og Skagastrákurinn sterki Vésteinn Sveinsson (Kristinssonar) kom næstur með 13 stig.

 

Daufir móti ÍR-ingum

Snæfellsliðið átti mjög dapran leik þegar ÍR-ingar komu í heimsókn á föstudagskvöldið. Jafnræði var með liðunum til að byrja með en ÍR-ingar þó með frumkvæðið. Meðan Snæfell klúðraði hverri sókninni á fætur annarri gengu gestirnir á lagið og voru með 11 stiga forskot í leikhléi. Áfram gekk baslið hjá Hólmurum í seinni hálfleikinn, það vantaði herslumuninn gegn frískum Breiðhyltingum og lokatölur voru 86:91 fyrir ÍR. Í þessum leik voru þeir langatkvæðamestir hjá Snæfelli Sigurður Þorvaldsson og Jón Ólafur Jónsson. Sigurður skoraði 28 stig og Jón Ólafur 23 stig. Hjá ÍR var Eiríkur Önundarson stigahæstur með 21 stig og næstur kom Sveinbjörn Classen með 20 stig.

 

 

Á sama tíma fóru Skallagrímsmenn á Krókinn og þrátt fyrir að vera komnir með erlenda leikmenn í liðið máttu þeir sín lítils gegn grimmum Króksurum sem voru í sárum eftir tapið móti ÍR í umferðinni á undan. Lokatölur urðu 92:67. Langstigahæstir hjá Skallagrími var Igor Beljanski með 31 stig, Pálmi Þór Sævarsson og Miroslav Adanov gerðu 11 stig hvor og Sveinn Davíðsson 7. Hjá Tindastóli var Sören Flæng stigahæstur með 23 stig.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is