Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. nóvember. 2008 03:05

Einn tíu Íslendinga til að jafna heimsmetið

Björn Birgisson í KFA, Keilufélagi Akraness, náði þeim frábæra árangri að ná 300 stigum, eða toppskori, í leik á félagamóti Keilusambands Íslands í Keiluhöllinni í Öskjuhlíð fyrr í vikunni. Um tíu Íslendingar hafa leikið þetta eftir og Björn reyndar einu sinni áður, á jólamóti 2002. Toppskor í Keilu telst vera bæði metjöfnun á Íslandi og í heiminum. Björn var að leika á móti ÍR á brautum 5-6 þegar hann náði þessum toppleik. Síðasti boltinn var frekar þéttur, en engu að síður örugg fella. Aðspurður segist Björn ekki hafa fundið fyrir neinu stressi enda vanur maður á ferð, búinn að æfa keiluíþróttina í 20 ár.

“Ætli ég hafi ekki verið svona 17-18 ára gamall þegar ég byrjaði,” segir hann. Björn er búsettur í Reykjavík en ákvað að byrja að æfa með Keilufélagi Akraness ásamt fjórum vinum sínum. “Við ákváðum að smala saman í lið. Einn er að vinna vaktavinnu og það er auðveldara að fá tíma á Akranesi. Annar er í skóla á Bifröst svo þetta hentaði vel. Sjálfur er ég tengdur Skaganum, átti ömmu og afa þarna. Svo eru tveir föðurbræður mínir, Matthías og Kristinn Harðarsynir, búsettir þar.”

 

Björn hlær þegar hann er spurður hvernig maður verði svo góður í keilu sem raun ber vitni. “Ef maður bara vissi það. Ég æfði mikið á sínum tíma, allt upp í 20 leiki á dag á tímabili. Í dag æfi ég nánast ekkert. Þetta er bara mitt félagslíf með strákunum. Engu að síður detta svona skor inn hjá manni,” segir Björn og ryðgar greinilega ekki þrátt fyrir að hafa slakað á í æfingunum. “Að minnsta kosti ekki ennþá!”

Kvöldið sem Björn náði toppskorinu var annað kvöldið af fimm sem félagakeppnin fer fram. Lið KFA stendur ágætlega, er í þriðja sæti með 37 stig, rétt fyrir ofan KR-inga. Í efstu tveimur sætunum eru ÍR með 60 stig og Keilufélag Reykjavíkur með 44 stig.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is