Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. nóvember. 2008 03:39

Stefna á grunnskólabyggingu en hækka útsvar

Á fundi sveitarstjórnar Hvalfjarðarsveitar síðastliðinn fimmtudag var fjárhagsáætlun næsta árs til seinni umræðu og afgreiðslu. Þar fór Hallfreður Vilhjálmsson oddviti yfir helstu þætti fjárhagsáætlunar, m.a. væntanlega byggingu nýs grunnskóla. Í samtali við Skessuhorn segir Hallfreður að stefna sveitarfélagsins sé að halda óbreyttu þjónustustigi í sveitarfélaginu. “Við ætlum okkur ekki að slá af hugmyndir um byggingu nýs grunnskóla sem var eitt helsta kosningamálið í aðdraganda sameiningar sveitarfélaganna sem að Hvalfjarðarsveit stóðu. Því mátum við það veigameiri þátt að halda þeirri áætlun en þurfum í staðinn að hækka útsvar,” sagði Hallfreður. Eftir framsögu oddvita spunnust allmiklar umræður á fundi sveitarstjórnar. Að lokum var samþykkt með sex atkvæðum að hækka álagningu útsvars úr 11,6% í 13,03%. Sverrir Jónsson greiddi atkvæði gegn tillögunni. Þar með fer Hvalfarðarsveit í hóp flestra annarra sveitarfélaga og nýtir sér hámarksálagningu sem sveitarfélögum er leyfilegt að leggja á íbúa. Því má segja að fokið sé yfir hið gamla viðurnefndi sem loðað hefur við svæðið, og þá einkum fyrrum Skilmannahrepp, sem í máli margra var kallaður “skattskjól.”

Í bókun frá fundi sveitarstjórnar segir m.a.: “Ljóst er að Hvalfjarðarsveit verður fyrir umtalsverðri tekjuskerðingu á milli ára vegna minni skatttekna og að áætlunin gerir einnig ráð fyrir skertu Jöfnunarsjóðsframlagi. Á sama tíma eru miklar væntingar til uppbyggingar í sveitarfélaginu. Við sameiningu sveitarfélaganna var bygging nýs grunnskólahúsnæðis ein af meginforsendum sameiningar.”  Þá segir að til að mæta þeim óskum og jafnframt til að mæta tekjuskerðingu verði vart vikist undan því að hækka álögur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is