Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. desember. 2008 01:10

Hlutu þungan dóm vegna vörsluskattabrota

Hjón á Akranesi, sem ráku saman tvö fyrirtæki í bæjarfélaginu, voru í Héraðsdómi Vesturlands þann 24. nóvember sl. dæmt til þungra fjársekta og karlmaðurinn að auki til sex mánaða skilorðsbundinnar fangelsisvistar. Dóminn fá þau vegna skatta- og hegningarlagabrota sem þau frömdu í rekstri fyrirtækjanna Akrasels ehf. og Stillholts ehf., en bæði félögin voru tekin til gjaldþrotaskipta með úrskurði haustið 2007. Eiginkonan var stjórnarmaður fyrirtækjanna með prókúruumboð og eiginmaðurinn starfandi framkvæmdastjóri.  Í ákærum málsins er ákærðu gefið að sök að hafa í rekstri fyrirtækjanna vanrækt að afhenda á lögmæltum tíma virðisaukaskattsskýrslur vegna gjaldatímabila á árunum 2004 til 2007. Jafnframt er ákærðu gefið að sök að hafa ekki á sama tíma staðið skil á virðisaukaskatti vegna Akrasels ehf. samtals að fjárhæð 22,7 milljónir króna og 11,2 milljónum króna vegna Stillholts ehf.

Þá var þeim gefið að sök að hafa ekki afhent á lögmæltum tíma skilagreinar vegna staðgreiðslu opinberra gjalda af launum starfsmanna félaganna á árunum 2005 til 2007, alls 9,2 milljónir króna vegna Akrasels ehf. og 3,4 milljóna króna vegna Stillholts ehf. Í málinu lá fyrir að virðisaukaskattsskýrslum og skilagreinum vegna staðgreiðslu opinberra gjalda af launum starfsmanna var hvorki skilað á réttum tíma né greiðslur inntar af hendi á lögbundnum gjalddögum. Í dómsorðum segir að fjárhæðir í málinu hafi verið ágreiningslausar en þær miða við skýrslur og skilagreinar félaganna.

 

Hjónunum var hvoru um sig gert að greiða 21 milljón króna í sekt til ríkissjóðs innan fjögurra vikna frá uppkvaðningu dómsins, en sæta ella 6 mánaða fangelsi. Þá var eiginmaðurinn, sem gegndi eins og áður segir stöðu framkvæmdastjóra, að auki dæmdur í sex mánaða skilorðsbundið fangelsi. Þá var þeim einnig gert að greiða verjendum sínum málsvarnarlaun, samtals um 1.400 þúsund krónur. Benedikt Bogason, héraðsdómari kvað upp dóminn.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is