Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. desember. 2008 07:38

Útvarp Óðal FM 101,3 í loftið á mánudaginn

Unnið við upptökur í gær. Hér eru tvær stúlkur úr 4. bekk
Um árabil hefur Nemendafélag Grunnskólans í Borgarnesi staðið fyrir útsendingum útvarps á aðventu og árið í ár verður engin undantekning. “Það er orðinn fastur þáttur í lífi margra Borgnesinga að hlusta á ungdóminn flytja efni af ýmsum toga meðan þeir vinna að jólaundirbúningnum eða sinna sínum störfum,” segir Ragnhildur Kristín Einarsdóttir deildarstjóri í Grunnskólanum í Borgarnesi. “Síðustu ár hafa nemendur úr Varmalandsskóla og Grunnskóla Borgarfjarðar einnig komið að útvarpinu og flutt þætti.  Í Grunnskólanum í Borgarnesi eru allir nemendur skólans þátttakendur í verkefninu. Nemendur yngri bekkja gera sameiginlegan bekkjarþátt. Þeir vinna undir styrkri leiðsögn kennara sinna sem leggja á sig töluverða vinnu við að gera þáttinn góðan.”

Nemendur í þremur elstu bekkjum skólans fá tækifæri til að vera með þátt í beinni útsendingu en undirbúningur þáttanna fer alfarið fram í skólanum. “Í allnokkur ár hefur Jólaútvarpið verið notað sem sérstakt verkefni í íslenskukennslu,” segir Ragnhildur.

 

“Það eru íslenskukennarar bekkjanna sem stýra vinnunni. Nemendur vinna gjarnan tveir til þrír saman og er vinnan mjög formleg, með tímamælingum, nákvæmum handritum og miklum kröfum um gott og frambærilegt mál. Kennarar fara yfir handritin sem síðan er skilað til starfsmanna í Félagsmiðstöðinni Óðali. Þeir bera hitann og þungann af útsendingunni ásamt nokkrum nemendum eru tæknimenn sem sjá um tæknimál, bæði við upptöku þátta yngri bekkja og í beinni útsendingu þátta eldri nemenda. Við erum afar stolt af þessu verkefni.”

 

Ragnhildur segir að auglýsingar séu órjúfanlegur þáttur jólaútvarpsins. “Fyrirtæki sveitarfélagsins styrkja útsendingu útvarpsins með því að kaupa auglýsingar sem eru fluttar á milli þátta. Unglingarnir sjá alfarið um að semja auglýsingarnar, lesa, leika og syngja þær.” Í ár verður Jólaútvarpið sent út frá 8.-12. desember og dagskráin verður með svipuðu sniði og undanfarin ár; útsendingar hefjast klukkan 10 og síðasti þátturinn verður sendur út klukkan 22. Á morgnana verða þættir frá 1.-7. bekk sendir út. Í hádeginu verður tekinn púlsinn á bæjarlífinu og fluttar fréttir dagsins ásamt íþróttafréttum. Klukkan 13-22 verða þættir í beinni útsendingu frá nemendum í 8.-10. bekk úr grunnskólum Borgarbyggðar, nemendum Menntaskóla Borgarfjarðar og Ungmennahúsinu Mími.

 

Við þetta má bæta að hægt er að hlusta á FM Óðal 101,3 á heimasíðu Óðals, www.odal.borgarbyggd.is.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is