Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. desember. 2008 07:49

Verulegur niðurskurður hjá Borgarbyggð

„Það þótti rétt að fara á undan og skera niður í yfirstjórn sveitarfélagsins áður en það yrði gert á öðrum stöðum. Oft hefur verið skemmtilegra að gera fjárhagsáætlun en núna,“ segir Páll Brynjarsson sveitarstjóri Borgarbyggðar, en að hans mati minnka laun sveitarstjórnarmanna um 25% í heildina. Á fundi sveitarstjórnar Borgarbyggðar í síðustu viku var fjárhagsáætlun sveitarfélagsins tekin fyrir til fyrri umræðu. Þar er m.a. gert ráð fyrir að um næstu áramót lækki laun fyrir setu í sveitarstjórn um 10%, fastar akstursgreiðslur falli niður og aðeins verði greitt samkvæmt akstursdagbók. Þá lækki einnig verulega fastar greiðslur vegna símnotkunar. Laun sveitarstjóra lækki um 10%.

Að sögn Páls er gert ráð fyrir að halli verði í rekstri sveitarfélagins upp á 80 milljónir króna á næsta ári. Búist er við tekjusamdrætti upp á um 140 milljónir í samanburði við árið sem er að líða. Munar þar mestu um minni útsvarstekjur og skerðingu á framlagi úr Jöfnunarsjóði.

Fyrirsjáanlegt er að mun minna fjármagn fari til verklegra framkvæmda á næsta ári miðað við þetta ár, eða 100 milljónir króna í stað 250-300 milljóna eins og framkvæmt var fyrir í ár.

„Við stöndum frammi fyrir því að þurfa að sníða okkur stakk eftir vexti. Það verða margvíslegar aðgerðir til lækkunar rekstrarkostnaðar. Fjárveitingar til ýmissa málaflokka lækka, en á móti kemur hækkun til félagsþjónustu. Við munum líka reyna að standa vörð um fræðslumál eins og frekast er unnt.“ Páll segir að gert sé ráð fyrir að skuldir sveitarsjóðs muni aukast um 20 milljónir á árinu fyrir utan verðbætur. Hann segir að veruleg vinna verði í fjárhagsáætluninni milli umræðna, enda forsendur óljósar og menn bíði eftir að fjárlög verði afgreidd frá Alþingi.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is