Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. desember. 2008 11:52

Skrifað undir nýjan samning við Strætó

Sveitarstjórarnir og forstjóri Strætó bs takast í hendur eftir undirritunina
Nú í dag var skrifað undir samning um almenningssamgöngur á milli höfuðborgarinnar og sveitarfélaganna Akraneskaupstaðar, Hvalfjarðarsveitar og Borgarbyggðar. Samningurinn byggir á nýrri meginreglu Strætó um sónarskiptingu akstursleiða Strætisvagna höfuðborgarsvæðisins. Þannig lendir Borgarbyggð líkt og Selfoss á dýrustu akstursleið, eða sónar fjögur, en Akranes líkt og Hveragerði á sonar þrjú, eða næstdýrustu leið. Það voru sveitarstjórar þessara þriggja sveitarfélaga og Reynir Jónsson, forstjóri Strætó bs. sem staðfestu samninginn. Áætlunarferðir samkvæmt nýja samningnum hefjast strax eftir áramót. Það kom fram í ávarpi forstjóra Strætó að málið hefði haft skamman aðdraganda en hann vonaðist til að allt fyrirkomulag og skipulagning ferðanna yrði án hnökra strax þann 2. janúar.

"Við munum kynna þessar ferðir í bæklingi sem sendur verður til allra íbúa í sveitarfélögunum milli jóla og nýárs. Þar koma fram upplýsingar um áætlun strætisvagnanna, verð, sölu á afsláttarkortum og annað sem snýr að væntanlegum farþegum," sagði Reynir Jónsson, forstjóri Strætó bs.

 

Sveitarstjórarnir lýstu allir yfir ánægju sinni með að samningar hefðu tekist. Sögðu sveitarstjórar Hvalfjarðarsveitar og Borgarbyggðar að þessar ferðir myndu auka til muna þjónustu við íbúa og möguleika þeirra til atvinnusóknar og náms. Allir voru sveitarstjórarnir sammála um að strætóferðir myndu auka samskipti milli íbúa innan sveitarfélaganna.

 

Í viðauka við samning um akstur strætisvagna kemur fram að þar til útboð á akstrinum hefur farið fram eru samningsaðilar sammála um að framlengja og endurbæta samning við Teit Jónasson ehf. um akstur innan svæðisins. Samkvæmt honum greiða sveitarfélögin þrjú allan kostnað við akstur milli Grundahverfis og Borgarness en á leiðinni milli Háholts í Mosfellsbæ og Grundahverfis greiða sveitarfélögin helming kostnaðar við aksturinn á móti Strætó bs.  Gert er ráð fyrir að aksturinn verði boðinn út fyrir ágúst á næsta ári.

 

Lítilsháttar breyting hefur orðið á áætlun strætisvagnanna á Akranesi frá því breytingarnar voru fyrst kynntar. Vagninn mun fara að Skrúðgarðinum við Kirkjubraut á leið sinni í gegnum Akranes. Hann mun síðan ekki aka Innnesveg á leið suður, heldur fara þjóðveginn til baka. Þessi breyting kemur íbúum gamla bæjarhlutans vel en kemur sér verr fyrir íbúa t.d. í Jörundarholti og hverfunum syðst á Akranesi sem hafa lengri leið að fara á næstu strætóstoppistöð.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is