Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. desember. 2008 03:50

Þökkuðu björgunina fyrir ári

Björgunarsveitarmenn og fulltrúar Léttis
Hópur jeppafólks sem kallar sig Seinagengið Létti brá sér úr höfuðborginni í dag og í Borgarfjörð til að þakka björgunarsveitarmönnum fyrir veitta aðstoð sem hópurinn fékk fyrir ári síðan. Eins og menn muna gekk ein dýpsta lægð í manna minnum yfir landið 30. desember árið 2007. Þá lenti hópur fólks á nokkrum jeppum í ógöngum á Langjökli og fóru félagar úr björgunarsveitunum Ok og Heiðari í Borgarfirði hópnum til aðstoðar og sótti það á jökulinn. Á leið björgunarsveitarmanna sló vind í 126 metra á sekúndu á leiðinni af Kaldadalsvegi og upp að jöklinum. Engan sakaði í þessu foráttuveðri, hvorki björgunar- né ferðamenn. Ferðahópurinn færði björgunarsveitunum skildi með þakkarkveðju og keypti um leið flugelda af björgunarsveitinni Ok, en sala þeirra hófst á Hvanneyri og á Kleppjárnsreykjum í dag.

Ómar Wieth var í forsvari fyrir ferðahópnum. Hann lét þess getið við stutta athöfn að björgunarsveitarfólki væri seint fullþakkað þeirra fórnfúsa starf. “Við viljum þakka fyrir okkur og björgun við afar erfiðar aðstæður síðastliðinn vetur þegar við lentum í ógöngum á Langjökli. Eftir þessa lífsreynslu höfum við ætíð fylgst betur með og farið eftir veðurspám áður en við leggjum í langferðir á hálendinu,” sagði Ómar.

 

Snorri Jóhannesson formaður Ok þakkaði velvild í garð björgunarsveitanna. Sagði hann gott að menn virtu starf björgunarsveita um allt land og þakkaði félögum í Seinagenginu Létti fyrir stuðninginn. “Umræða hefur á síðustu dögum verið með ólíkindum í garð björgunarsveita og nú síðast lét Jón Magnússon alþingismaður þau orð falla að fólk ætti að spara flugeldakaup við sig þegar að herti í fjárhag heimilanna. Ég vil benda hinum sama Jóni á að björgunarstörf eru sjálfboðaliðavinna en starfsemi björgunarsveita í landinu er að stórum hluta fjármögnuð með sölu flugelda. Ef hennar nyti ekki við þyrfti líklega ríkið að standa fyrir björgun fólks með rekstri einhverskonar innanlandshers og ég dreg í efa að það yrðu hagkvæm skipti,” sagði Snorri.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is