Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. febrúar. 2009 02:05

Leikskólar í Snæfellsbæ kynna starfsemi sína

Dagur leikskólans var haldinn í fyrsta skiptið hátíðlegur 6. febrúar 2007, en þann dag árið 1950 stofnuðu frumkvöðlar leikskólakennara fyrstu samtök sín. Dagur leikskólanna er því næsta föstudag og ætla leikskólarnir Krílakot og Kríuból í Snæfellsbæ að kynna starfsemi sína næstu daga. Krílakot í Sparisjóði Ólafsvíkur og í Nýja Landsbankanum en Kríuból í Nýja Landsbankanum á Hellissandi og á bæjarskrifstofum Snæfellsbæjar.

Leikskólinn Krílakot

Einkunnarorð Krílakots eru virðing og virkni.    Við berum  virðingu fyrir umhverfi okkar og viljum virkja einstaklinginn til að taka sjálfstæðar ákvarðanir.Við viljum mæta hverjum einstaklingi út frá þörfum hans og getu svo hver og einn fái notið sín í leikskólanum. Leiðirnar sem við höfum farið til að vinna að þessum markmiðum er að á hverju ári vinnu við þematengt starf um dygðir. S.l. ár tókum við fyrir kurteisi og eftir áramót sinnum við hjálpsemi í ýmsum formum. Leikskólinn hefur einnig  til margra ári unnið markvisst að málörvun barna og síðustu tvö árin hefur umhverfismennt verið ríkulegur þáttur í starfinu okkar. Heimasíða leikskólans er: http//krilakot.snb.is/

Kynning á starfsemi leikskólans Krílakots verður næstu daga í Sparisjóðs Ólafsvíkur og í Nýja Landabanka Íslands.

 

 

Leikskólinn Kríuból

Þættir sem við höfum að leiðarljósi eru:

Leikurinn í allri sinni mynd

Læsishvetjandi umhverfi

Lestur bóka

Sjálfsákvörðunarréttur barnsins

 

Við á Kríubóli leitumst við að bjóða börnunum upp á hlýlegan, skemmtilegan og örvandi vinnustað sem vekur hjá þeim gleði, forvitni og frumkvæði auk þess að efla sjálfstæði þeirra. Frjálsi leikurinn er í brennidepli og fær hann mikinn tíma í dagsskipulaginu hjá okkur. Við höfum fulla trú á getu barnanna til sjálfstæðra ákvarðanna og   miðum okkar starf við það. Í stað þess að skipuleggja um of starfsdaga barnanna, eru störf starfsfólksins vel skipulögð.  Húsinu er skipt í svæði sem starfsfólkið skiptir sér niður á.  Innan þessara svæða geta börnin farið frjálst um.  Starfsfólkið býður upp á verkefni á hverju svæði fyrir sig en einnig er svigrúm fyrir börnin að velja sér verkefni á svæðunum. Hugmyndin er að börnin hafi raunverulegt val um það hvar þau vinna verkefni eða leika sér í húsinu og með hverjum.

Við höfum verið þátttakendur í alþjóðlegu verkefni til að auka umhverfismennt sem nefnist “Grænfáninn, skólar á grænni grein” frá júní 2007.  Þemastarf eldri deildarinnar hefur einmitt snúið að umhverfinu.  Á yngri deildinni hafa þau verið að vinna að Ég sjálf/ur.

 

Heimasíða leikskólans er: http//kriubol.snb.is/

Kynning á starfsemi Kríubóls verður í Nýja Landsbankanum á Hellissandi og bæjarskrifstofu Snæfellsbæjar

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is