Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
05. febrúar. 2009 03:37

Fundur um hvalveiðimál á Akranesi í kvöld

Í kjölfar samþykktar á ríkisstjórnarfundi fyrr í vikunni þar sem Steingrímur J. Sigfússon sjávarútvegsráðherra lagði til að aðilum sem tengdust hval- og hrefnuveiðum yrði send formleg viðvörun um hugsanlega afturköllun eða breytingar á útgefinni reglugerð fyrrv. sjávarútvegsráðherra til hval- og hrefnuveiða, hafa forsvarsmenn Verkalýðsfélag Akraness og Akraneskaupstaðar brugðist hart við. Hafa þeir nú boðað til opins fundar um hvalveiðimálin í Bíóhöllinni á Akranesi í kvöld, fimmtudag klukkan 20:00. Vilhjálmur Birgisson formaður VLFA segir að öllum þingmönnum Norðvesturkjördæmis og hagsmunaaðilum hefði verið boðið til fundarins og skorað væri sérstaklega á ráðherra í ríkisstjórninni; forsætisráðherra, sjávarútvegsráðherra, umhverfisráðherra og iðnaðarráðherra að mæta til fundarins.

„Okkur sýnist málið komið í þann farveg að afturkalla eigi leyfi til hval- og hrefnuveiða sem Einar Kr. Guðfinnsson gaf út. Í ljósi yfirlýsinga nýrrar ríkisstjórnar um nauðsyn þess að auka atvinnu í landinu, væri það óskiljanlegt með öllu ef eitt af fyrstu verkum hennar yrði að afturkalla þetta leyfi. Í dag eru um 13.300 manns án atvinnu í landinu, þar af 450 á okkar félagssvæði. Þegar það liggur fyrir að hval- og hrefnuveiðar gætu veitt 2-300 manns atvinnu í Hvalfirði og á Akranesi, þá er þetta með öllu ólíðandi,“ segir Vilhjálmur Birgisson formaður Verkalýðsfélags Akraness.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is