Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. febrúar. 2009 08:12

Snæfell komst í þriðja sætið

Snæfell bætti enn stöðu sína í efri hluta Icelandic Expressdeildarinnar sl. föstudagskvöld þegar liðið sótti heim Íslandsmeistara Keflavíkur. Snæfell vann með átta stig mun, 81:53, og er nú komið í þriðja sæti deildarinnar með 20 stig, jafnmörg og Keflvíkingar, en betri útkomu úr innbyrðis viðureignum. Á sama tíma töpuðu Skallagrímsmenn fyrir Stjörnunni 74:102. Um hörkuveiðureign var að ræða í Keflavík og framan af leik benti ekkert til annars en heimamenn myndu landa sigri og þar með tryggja svo gott sem þriðja sætið í deildinni, í bili að minnasta kosti. Keflvíkingar voru með frumkvæðið allan fyrri hálfleikinn, ellefu stig yfir eftir fyrsta leikhluta og síðan sjö stig í hálfleiknum, 40:33.

Snæfellingar mættu grimmir til seinni hálfleiks og voru fljótlega búnir að jafna 41:41. Það var síðan í byrjun síðasta leikluta sem Hólmarar lögðu grunninn að sigrinum með mjög góðum leikkafla. Þeir héldu síðan sjó það sem eftir var þrátt fyrir mikla baráttu og að heimamenn vildu ekki játa sig sigraða. Engu að síður var góður sigur Snæfells staðreynd, 73:81.

 

Nýi Bandaríkjamaðurinn í liði Snæfells Lucius Wagner stóð undir væntingum. Hann skoraði 18 stig, Slobodan Subasic gerði 14, Sigurður Þorvaldsson 14, Hlynur Bæringsson 12, Jón Ólafur Jónsson 12, Ingvaldur Magni Hafsteinsson 8 og Gunnlaugur Smárason 3. Hjá Keflvíkingum voru stigahæstir Hörður Vilhjálmsson með 17, Jón N. Hafsteinsson 16 og Gunnar Þorsteinsson 14.

 

 

Skallagrímsmenn stóðu í Stjörnunni framan af leik í Borgarnesi og voru einungis fimm stigum undir í leikhléi, 35:40. Í seinni hálfleiknum fengu svo heimamenn ekki rönd við reist og þurftu að sætta sig við fremur stórt tap, 74:102. Landon Quick var stigahæstur hjá Skallagrími með 19 stig, Igor Beljanski gerði 17, Sveinn Davíðsson 16, Hafþór Ingi Gunnarsson 11, Sigurður Þórarinsson 8 og Trausti Eiríksson 3. Hjá Stjörnunni var Justin Shouse stigahæstur með 24 stig.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is