Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. febrúar. 2009 11:38

Bergþór sækist eftir öðru sæti hjá Sjálfstæðisflokknum

Bergþór Ólason, fyrrverandi aðstoðarmaður samgönguráðherra, hefur ákveðið að bjóða sig fram til 2. sætis í prófkjöri Sjálfstæðisflokksins í Norðvesturkjördæmi vegna Alþingiskosninganna í vor. Bergþór tilkynnti þessa ákvörðun sína á kjördæmisráðsþingi Sjálfstæðisflokksins í Norðvesturkjördæmi sem haldið var í Borgarnesi sl. laugardag. Bergþór hefur nú sent frá sér tilkynningu: „Það eru spennandi tímar framundan í stjórnmálunum, sjaldan hafa menn horfst í augu við jafn risavaxin verkefni og nú á hinum pólitíska vettvangi.  Nú ganga sjálfstæðismenn til prófkjörs í öllum kjördæmum og kjósa flokknum nýja forystu á landsfundi.  Þegar þessi endurnýjun verður um garð gengin tel ég að gömlu sjálfstæðisgildin verði í forgrunni á nýjan leik og að Sjálfstæðisflokkurinn mæti öflugur til kosninga í lok apríl.  Tengsl mín við kjördæmið ásamt þekkingu og skilningi á málefnum þess tel ég að muni styrkja listann og hjálpa til við að tryggja okkur góða kosningu í vor. Í þennan slag vil ég gefa kost á mér,” segir Bergþór.

 

 

 

Bergþór er fæddur á Akranesi og er búsettur þar, en ólst upp í Borgarnesi.  Hann gekk í Grunnskóla Borgarness og síðan í Fjölbrautaskóla Vesturlands á Akranesi. Að stúdentsprófi loknu lá leiðin í Háskóla Íslands þar sem hann nam viðskiptafræði við Viðskipta- og hagfræðideild. Þar var hann virkur í félagslífi viðskiptadeildar.  Sat í stjórn Mágusar.  Var formaður Íslandsdeildar NESU sem eru samtök norrænna viðskipta- og hagfræðinema ásamt því að vera fulltrúi nemenda á deildarfundum. Jafnframt var hann virkur í starfi Vöku.

 

Eins og fyrr sagði er Bergþór fyrrverandi aðstoðarmaður samgönguráðherra en því til viðbótar hefur hann meðal annars starfað sem lögregluþjónn í sumarafleysingum, hjá Heklu, Lýsingu og Kaupþingi en í dag er hann sjálfstætt starfandi ráðgjafi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is