Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. febrúar. 2009 02:40

Gula öndin varar Borgnesinga við komu sinni

Svo virðist sem búið sé að stofna nýtt hrekkjalómafélag í Borgarnesi. Í nafnlausri tilkynningu frá Hrekkjalómafélaginu Gulu öndinni, og stílað er til Borgnesinga, kemur fram að helstu markmið félagsins séu að hrekkja, stríða og strá um sig vafasömum en líka jákvæðum skilaboðum í samfélaginu. Segir að Gula öndin hafi tekið mótmælin á Austurvelli sér til fyrirmyndar og muni stunda borgaralega óhlýðni á háu stigi.   “Þið skuluð vera á varðbergi því það er aldrei að vita hvar félagið ber niður, kannski verður þú næstur!” Fyrirtæki mega einnig vara sig því félagið hefur nokkur slík í sigtinu. Þá mega saumaklúbbar, lionsklúbbar, golfklúbbar og trimmhópar hafa gætur á umhverfinu. Jafnvel mega eldri borgarar og börn vara sig þegar gula öndin kjagar um bæinn í leit að fórnarlömbum.

Þá segir að gula öndin muni reglulega tilnefna Önd mánaðarins, en það verður Borgnesingur sem hefur skarað fram úr á einhvern hátt. Verður önd mánaðarins kynnt vandlega, þótt ekki verði gefið út sérstakt blað eins og tíðkast t.d. hjá Playboy.

Eins og nafnið gefur til kynna er um afskaplega alvarleg samtök að ræða sem taka hlutverk sitt hátíðlega. Líkt og í Frímúrarareglunni mun það verða hulið leyndarhjúpi hverjir eru meðlimir og hvernig hægt er að gerast meðlimir. “Það er enginn tengiliður hjá Gulu öndinni sem hægt verður að hafa samband við, það verður haft samband við þig!” Segir að lokum í nafnlausri tilkynningu. Nú er bara spurningin hvort hún verði meinlausari en Bláa höndin?

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is