Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. febrúar. 2009 08:13

Búskapur og rekstur í Reykholti

Sagnfræðistofnun Háskóla Íslands hefur sent frá sér bókina Búskapur og rekstur staðar í Reykholti 1200-1900 eftir Benedikt Eyþórsson sagnfræðing. Reykholt var um aldir í hópi betri brauða landsins og eftirsóknarvert þótti að vera staðarhaldari þar. Að sögn felldi Snorri Sturluson hug til staðarins skömmu eftir að hann fékk staðfestu í héraðinu á öndverðri 13. öld og lagði mikið á sig til að fá heimildir á honum. Gerði hann Reykholt að miðstöð í héraðsríki sínu og hafði þar lengstum aðsetur sitt. En hvað gerði Reykholt svo eftirsóknarvert? Af hverju sóttust metnaðargjarnir höfðingjar á 13. öld jafnt sem hefðarklerkar og sporgöngumenn biskupa á síðari öldum eftir forráðum staðarins?

Rekstur staðar á borð við Reykholt var umfangsmikið fyrirtæki á sinni tíð þar sem eignaumsýsla og búskapur skipuðu veigamikinn sess. Í bókinni eru helstu þróunarlínur í þessum efnum dregnar fram og sérstök áhersla er lögð á búskaparhætti staðarhaldara. Því verður svarað eftir hverju var að slægjast og sýnt fram á hvernig staðarhaldarar héldu um taumana og gátu stundað umfangsmikinn búskap þrátt fyrir ýmsa annmarka bújarðarinnar. Til þessa verður að mestu stuðst við óútgefnar frumheimildir ættaðar úr Reykholti en skjalasafn staðarins er einkar vel varðveitt og samfellt og á sér vart hliðstæður hér á landi. Rannsóknin á sér einnig víðari skírskotun enda varpar hún ljósi á almenna hag- og búnaðarsögu tímabilsins, á samfélag þar sem jarðeign var einn helsti grundvöllur auðs og valda.

“Háskólaútgáfan annast dreifingu á bókinni og hana verður hægt að fá í öllum betri bókabúðum en leiðbeinandi söluverð er 2490 kr.,” segir í fréttatilkynningu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is