Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. mars. 2009 03:40

Sameining skólastofnana ákveðin í Dölum

Sveitarstjórn Dalabyggðar ákvað á fundi sínum í síðustu viku sameiningu Grunnskólans í Búðardal, Grunnskólans í Tjarnarlundi í Saurbæ, Tónlistarskóla Dalasýslu og leikskólans Vinabæjar í nýja skólastofnun, sem tekur formlega til starfa 1. ágúst í sumar. Sveitarstjórn var einróma í samþykkt sinni, sem felur í sér að allir starfsmenn skólanna halda störfum sínum, en stjórnendum skólastofnana bjóðast kennarastöður og þar með skert starfskjör. Þá er með samþykktinni tryggt skólastarf í Tjarnarlundi til næstu fjögurra ára að minnsta kosti.

Grímur Atlason sveitarstjóri Dalabyggðar segir að með sameiningu skólanna í Dölum sé stefnt að öflugri skólastofnun og um leið náist fram rekstrarleg hagræðing sem nemi að minnsta kosti 10 milljónum á ári. Hann segir endurskoðun skólamála í Dölum hafi verið inni þegar byrjað var að undirbúa sameiningu sveitarfélaganna haustið 2005 og markviss vinna í þá veru hafi hafist haustið 2007. Skólamálin séu því búin að vera í endurskoðun í Dalabyggð í talsverðan tíma og fyrir nokkru var kynnt skýrsla sem hafði að geyma úttekt á nokkrum valmöguleikum. Afgreiðsla sveitarstjórnar byggir á niðurstöðum skýrslunnar og umsögn fræðslunefndar.

Í framhaldi af ákvörðun sveitarstjórnar hefur verið auglýst laust er til umsóknar starf skólastjóra nýrrar skólastofnunar Dalabyggðar. Ráðið verður formlega í starfið frá og með 1. ágúst 2009. Í auglýsingunni er sagt æskilegt að nýr skólastjóri geti komið til skipulagsvinnu eigi síðar en 1. maí í vor. Umsóknarfrestur um skólastjórastöðuna er til og með 16. mars nk.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is