Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. mars. 2009 10:15

Oddaleikur í Hólminum á fimmtudagskvöldið

Snæfell er nú komið upp að vegg fyrir oddaleik í 8-liða úrslitum Icelandic Express deildarinnar annað kvöld, fimmtudagskvöld. Eftir öruggan sigur gegn Stjörnunni í Hólminum á laugardaginn, sáu Snæfellingar ekki til sólar í seinni hálfleiknum í Garðabænum í gærkvöldi og töpuðu stórt 79:99. Svo virtist sem Snæfellsliðið væri ekki tilbúið í slaginn þegar kom að leiknum í Garðabæ í gær. Strax í upphafi var ljóst að liðsbraginn vantaði bæði í sókn og vörn og í seinni hálfleiknum kom það berlega í ljós. Stjörnumenn byrjuðu betur og komust í 9 stiga forystu strax á fyrstu mínútunum. Snæfellingar fundu svör við þessu og náðu að snúa leiknum sér í vil og komast fjórum stigum yfir áður en leikhlutinn var úti. Leikurinn var síðan jafn í öðrum leikhluta en að honum loknum leiddu Stjörnumenn með þremur stigum 45:42.

Stjörnumenn byrjuðu síðan seinni hálfleikinn af krafti og ekki var langt liðið þegar munurinn var orðinn tíu stig, 60:50. Snæfellsliðið virtist ekki hafa karakter að þessu sinni til að snúa leiknum, áfram var það þannig að flæðið vantaði í sóknarleikinn og boltinn var að glatast þannig að þau voru nokkur skyndiupphlaupin sem heimamenn í Garðabæ fengu. Í stað þess að munurinn minnkaði jókst hann jafnt og þétt til leiksloka og niðurstaðan varð glæsilegur sigur Stjörnumanna 99:79.

 

Í Snæfellsliðinu sýndi í raun enginn sitt rétta andlit, þá helst Jón Ólafur Jónsson, sem barðist vel og var stigahæstur með 18 stig. Hlynur Bæringsson kom næstur með 17, Lucius Wagner 16, Magni Hafsteinsson 10 og Slobodan Subasic 8. Sigurður Þorvaldsson náði sér engan veginn á strik í leiknum, skoraði aðeins tvö stig. Hann var aftur á móti atkvæðamestur Snæfellinga með 23 stig og Luioce Wagner gerði 16 í leiknum á laugardaginn þegar Snæfell vann 93:81.

 

Justin Shouse, sem lék með Snæfelli áður en er nú í Stjörnunni, hefur verið sínum fyrrum liðsfélögum sérlega erfiður í þessum tveimur leikjum. Hann gerði  22 í fyrri leiknum og síðan 28 stig á mánudagskvöldið og var stigahæstur í sínu liði.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is